Б.ОД

Хүн бүр ирээдүйгээ гэрэлтэйгээр төсөөлж, мөрөөдөл, зорилгоо биелүүлэх юмсан гэсэн дэврүүн хүсэлд хөтлөгдөн, урам зориг дүүрэн урагшилдаг. Гэвч ирээдүй хэмээх хязгаар нь үл мэдэгдэх алсын замд бид олон төрлийн бэрхшээлтэй учирч, зарим нь шантарч замын дундаас буцах нь бий. Харин сэтгэлийн асар их тэвчээртэй, зорилго, мөрөөдөлдөө “шатаж” яваа нэгэн нь таарсан бэрхшээлийг сөрөн цааш алхдаг. Тэднийг бид жинхэнэ хүчирхэг хүмүүс хэмээн нэрлэх нь бий. Өнөөгийн нийгэмд тийм олон биш цөөнх энэ хүчирхэг хүмүүсийн нэг нь хорт хавдартайгаа бүтэн нэг жилийн туршид тэмцсэн Б.Батцэцэг хэмээх 23 настай эрч хүч бялхсан охин юм. Булган аймагт 1998 онд төрсөн тэрбээр МУБИС-ийг 2020 онд нийгмийн багш, улс төр судлаач мэргэжлээр онц дүнтэй төгссөн шилдэг, дайчин, хичээнгүй  гэдгээр нь ойр дотны хүмүүс нь үргэлжид бахархаж явдаг билээ.

Б.Батцэцэг 2020 оны тавдугаар сарын 23-нд Улсын нэгдүгээр төв эмнэлэгт цусны цагаан эсийн хорт хавдраар оношлогдон нэг тэрбум орчим төгрөгөөр гадаадад хагалгаанд орох хэрэгтэй болжээ. Үүнээс хойш нэг жилийн хугацаанд тууштай тэмцсэний хариуд хавдрын эс нь бүрэн унтсан сайхан мэдээ сонссон боловч хавдар нь дахиад хэзээ ч сэдэрч магадгүй нөхцөл хүрээд байгаа юм.  Гэхдээ хавдын эс нь бүрэн унтсан энэ үедээ яаралтай хагалгаанд орвол 100 хувь эдгэрнэ гэсэн сайхан мэдээг эмч, мэргэжилтнүүд түүнд дуулгалаа. Ийн тэрбээр Турк улсад 100 мянган ам доллараар эмчлүүлвэл бүрэн эдгэрч, хүсэл мөрөөдлийнхөө зам руу урам зоригоор дүүрэн алхах боломжтой болсон юм. Тиймээс өнгөрсөн онд их сургуулиа төгсөөд амьдралд дөнгөж хөлж тавьж байгаа хүчирхэг, дайчин энэ охинд хүсэл мөрөөдлөө биелүүлэх “далавч” бэлэглэж, “Надаас чамд халуун тэврэлт” хандивын аянд нэгдэхийг уриалж байна. Нэг хүн нэг доллар хандивлахад бид нэгэн хүчирхэг эмэгтэйд элэг бүтэн, аз жаргал бялхсан амьдрал бэлэглэх юм.

Хандивын данс:

Хаан банк:5286092239 Т.Батцэцэг

Төрийн банк:121100169873 Т.Батцэцэг

Худалдаа хөгжлийн банк:499279064 Т.Батцэцэг

Эх сурвалж:www.polit.mn