Б.ОД

COVID-19 халдварын тусламж үйлчилгээнд улсын нэг, хоёр, гуравдугаар төв эмнэлгийг дайчлахаар болсныг ЭМЯ-ны Эмнэлгийн тусламжийн бодлогын хэрэгжилтийг зохицуулах газрын дарга Б.Буянтогтох мэдээллээ.Ингэснээр дээрх эмнэлгүүдийн үндсэн тусламж үйлчилгээ тодорхой хэмжээгээр саатаж байгаа юм.

Энэ талаар тэрбээр "Бүх эмнэлэг  COVID-19-ийн тусламж үзүүлэх шаардлагатай болсон. Улсын нэг, хоёр, гуравдугаар төв эмнэлгийг дайчилж, хүндрэлээс сэргийлэхээс өөр арга алга. Ингэснээр үндсэн тусламж үйлчилгээ тодорхой хэмжээгээр саатаж байгаа. Өнөөдрийн байдлаар бол хөл хорионы нөхцөл байдалтай уялдаад эмнэлэгт хандах иргэдийн тоо буурч байна. Хөл хорионы дэглэм сулрахаар эмнэлгээр үйлчлүүлэх иргэдийн тоо нэмэгдэх учраас урьдчилаад зохицуулалт хийгээд явж байгаа. Хүнд, хүндэвтэр, нэн хүнд хүний тоо нэмэгдэхийн хэрээр нас баралт нэмэгдэж байна. Нас баралтаас сэргийлэх үүднээс халдвартай иргэдийг эмнэлэгт хэвтэн эмчлүүлж байгаа. Халдвар гарахаас өмнө улсын хэмжээнд 385 эрчимт эмчилгээний ор тогтвортой ашиглаж байсан бол халдвараас хойш 200 гаруйгаар нэмэгдүүлсэн. Амьсгалын аппартын тооноос шалтгаалсан хүндрэл үүсэхгүй. Одоогоор өрхийн эмнэлгүүд хамгийн өндөр ачаалалтай ажиллаж байгаа" гэв.

Эх сурвалж:www.polit.mn