"COVID-19-өөр нас барсан иргэдийн 20 хувь нь гэрээр эмчлүүлж байсан"

Нүүр

Геополитик

"COVID-19-өөр нас барсан иргэдийн 20 хувь нь гэрээр эмчлүүлж байсан"

2021-04-23

Нийтэлсэн: Админ

1 мин

ХУВААЛЦАХ

ЖИРГЭХ

Б.ОД

Монгол Улсад COVID-19 халдвараар өнөөдрийн байдлаар 69 хүн амиа алдаад байна. Үүний 20 хувь нь гэртээ нас барсан гэж ЭМЯ-наас мэдээллээ. Иргэд өөрт нь шинж тэмдэг илэрсэн ч эмнэлэгт хандалгүй гэртээ байсаар, эсвэл эмнэлгийн байгууллагад хугацаа алдаж хожуу хандан, тусламж авч чадалгүй амиа алдаж байна гэв. Суурь, архаг хууч өвчин нь сэдрээд COVID-19-тэй хавсран хүндэрсний улмаас нас барах тохиолдол их байгаа аж.

Цар тахлын хариу арга хэмжээнд бүх шатны эрүүл мэндийн байгууллага оролцож, COVID-19-ийн тусламж үзүүлэхгүй эмнэлэг гэж байхгүй тул шинж тэмдэг илэрсэн бол өрхийн эмнэлэг, эмнэлгийн байгууллагад хандахыг зөвлөлөө. Томуу, томуу төст өвчний шинж тэмдгээс гадна амтлах үнэрлэх мэдрэмжгүй болох зэрэг шинж тэмдэг илэрнэ.

Мөн гэр бүлийн хүн өвдсөн тохиолдолд өрхийн эмнэлэгт хандах ба эмнэлзүйн баг гэрт нь ирж шинжилгээ, үзлэг хийн гэрийн эмчилгээний зөвлөгөөг өгч шаардлагатай бол эмнэлэгт хүргэх юм .

Эх сурвалж:www.polit.mn