С.САРУУЛ

Өнгөрсөн 24 цагийн хугацаанд 10109 хүний сорьцод шинжилгээ хийхэд 1264 хүнээс коронавирусийн халдвар илэрлээ.Ингэснээр улсын хэмжээнд бүртгэгдсэн нийт тохиолдол  27956 боллоо.Харин өчигдөр 1328 халдвар шинээр бүртгэгдсэн юм.

Сүүдийн 24 цагт 486 хүн эдгэрч эмнэлгээс гарсан бол найман хүн нас барсан харамсалтай мэдээлэл байна. Өнөөдрийн байдлаар халдварын тохиолдлуудын 14258 нь эдгэрээд байгаа бол 69 хүн уг өвчний хүндрэлээр нас бараад байна.

Энэ нь коронавируст халдвар дэгдсэнээс хойш нэг өдрийн дотор хамгийн олон нас баралт бүртгэгдсэн тохиолдол болж байна.

Нас барсан хүмүүсийн тухайд,

Дөрөвдүгээр сарын 2-нд онош нь батлагдсан 66 настай эрэгтэй,

Дөрөвдүгээр сарын 9-нд онош нь батлагдсан 62 настай эрэгтэй,

Дөрөвдүгээр сарын 12-нд онош нь батлагдсан 94 настай эрэгтэй

Дөрөвдүгээр сарын 13-нд онош нь батлагдсан 62 настай эмэгтэй

Дөрөвдүгээр сарын 21-нд онош нь батлагдсан 81 настай болон 60 настай эрэгтэй,

Дөрөвдүгээр сарын 22-нд онош нь батлагдсан 56 настай эмэгтэй болон 27 настай эрэгтэй байна. Халдварын улмаас нас барсан иргэдийн гэр бүл, төрөл төрөгсдөд гүн эмгэнэл илэрхийлье.

Өнөөдрийн байдлаар 4,127 хүн эмнэлэгт хэвтэн эмчлүүлж байгаа бол гэрийн тусгаарлалтад 6763 хүн байна. Мөн тандалт судалгаа нь үргэлжилж байгаа буюу гэрийн хяналтад үлдээх эсвэл эмнэлэгт хэвтүүлэх эсэхийг шийдээгүй 2,700 гаруй хүн байна.

Эмнэлэгт хэвтэн эмчлүүлж байгаа хүмүүсийн биеийн байдлыг үнэлбэл,

Хөнгөн-2,338

Хүндэвтэр-1,374

Хүнд-351

Маш хүнд-64 хүн байна.

Өнөөдрийн байдлаар улсын хэмжээнд халдвар аваад нас барсан хүний тоо 76 болоод байна. Үүнээс 69 хүнийг коронавируст халдварын хүндрэлээр нас барсан гэж ЭМЯ-наас мэдээлж байгаа бол долоон хүнийг хавсарсан өвчний улмаас нас барсан гэж үзэж байгаа юм.

Эх сурвалж: www.polit.mn