Б.ДОЛЖИНЖАВ
Хүмүүс нас, хүйс, хүсэл сонирхол, бие махбодиороо харилцан адилгүй. Гэхдээ энэ нь хэн нэгэн тэднийг ялгаварлан гадуурхах үндэс огт биш. Ямар ч байдлаар ялгаатай байсан хүн бүр эрх тэгш эрхтэй билээ.
Энэ талаар Аллианз" даатгалын компанийн Австрали дахь салбарт хүний нөөцийн мэргэжилтнээр ажилладаг Б.Цолмон “Австралид ирснээр жижиг гэлтгүй зүйл дээр орчин нөхцөл, хүндээ ээлтэй байдлыг бий болгосныг харж, мэдэрч байна. Манай улсын хувьд иргэн бүр эрх, үүргээ сайтар ухамсарлаж, шударга тэгш, хүндээ ээлтэй нийгэм бүтээхэд өөрсдийн дуу хоолойгоо нийлүүлж, шаардаж байгаасай. Мөн олон талт байдлыг хүлээн зөвшөөрч, нэгнээ хайрлаж, нийгэмд өөрсдийнхөөрөө байх боломжоор хангаж байгаасай гэж хүсдэг. Австралийн хүн ам нь олон үндэстнээс бүрдсэн. Үүнийгээ давуу тал болгож, ялгарч чаддаг. Засгийн газрын арга хэмжээ, компаниудын төсөл хөтөлбөр ч ялгаатай байдлыг хүлээн зөвшөөрч, төрөл бүрийн боломжийг бий болгож, олгодог. Манай компанийн хувьд хүний нөөцөө бүрдүүлэх гол шалгууруудын нэг нь Diversity буюу олон талт байдал юм. Иймд тухайн ажил үүргийг гүйцэтгэх ур чадвартай, туршлагатай л бол нас, хүйс, хөгжлийн бэрхшээлтэй байдлыг үл харгалзан ажилд авдаг. Манай улс хөгжлийн бэрхшээлтэй иргэдийн хөдөлмөрлөх, нийгэмдээ хувь нэмэр оруулах боломжоор бүрэн дүүрэн хангадаг байгаасай. Ядаж орох гарах гарцыг ээлтэй байдлаар шийдэж, хийж байгаасай гэж их хүсдэг дээ” гэж “Зууны мэдээ” сонинд ярьжээ.
Эх сурвалж:www.polit.mn