Б.ДОЛЖИНЖАВ

Ирээдүйд учирч болох аливаа эрсдэлээс урьдчилан сэргийлэх даатгалын тогтолцоо өндөр хөгжилтэй орнуудад маш сайн хөгжсөн байдаг. Харин Монгол хүний уламжлалт сэтгэлгээнээс шалтгаалан манай улсад даатгалын  үйлчилгээ төдийлөн сайн хөгжсөнгүй.

Энэ талаар “Миний хувьд даатгалын чиглэлээр мэргэшээгүй учир энэ салбарын талаар нарийн дүгнэлт хийхэд хэтийдэх болов уу. Хувь хүний зүгээс монголчууд бидний уламжлалт хандлагаас үүдэлтэйгээр эрсдэлээс сэргийлэх тал дээр учир дутагдалтай санагддаг. Амны билгээс ашдын билэг хэмээн сайныг хүсэж, буруу муугаас сэргийлэх хандлага хүчтэй суусан байдаг. Энэ нь эргээд өөрийгөө бодитоор хамгаалах боломжгүй болгож, эрүүл мэнд, санхүү, цаг хугацаагаар хохирох эрсдлийг бий болгож байдаг. Даатгал нь энэхүү учирч болохуйц эрсдлийг бууруулж, өөрийгөө болон гэр бүлээ, бизнестээ учирч болох эрсдэлээс хамгаалах найдвартай арга юм. Нөгөө талаар даатгалын байгууллагууд даатгалын талаарх мэдлэг, мэдээллээр иргэдийг сайтар хангах нь цаашид учирч болох эрсдлийг бууруулахад ихээхэн нөлөөтөй гэж боддог” гэж" Аллианз" даатгалын компанийн Австрали дахь салбарт хүний нөөцийн мэргэжилтнээр ажилладаг Б.Цолмон “Зууны мэдээ” сонинд ярилаа.

  Эх сурвалж:www.polit.mn