Б.ДОЛЖИНЖАВ

Дэлхийн 70 оронд 100 сая хэрэглэгчтэй томоохон даатгалын компани “Allianz” ажилтнаа чадавхжуулахад ихээхэн анхаарч ажилладаг байна. Тухайлбал, нэг ажилтнаа хөгжүүлэхэд 2000 Австрали доллар зарцуулдаг аж.

Энэ талаар "Аллианз" даатгалын компанийн Австрали дахь салбарт хүний нөөцийн мэргэжилтнээр ажилладаг Б.Цолмон:

"Манай компани нь иргэдийн болон байгууллагын даатгал, давхар даатгал болон хөрөнгө оруулалтын чиглэлээр үйл ажиллагаагаа явуулдаг. Өнгөрсөн оны байдлаар нийт салбар даяар 150 мянган гаруй ажилтан ажиллаж байна. Хэрэглэгчийн нөхцөл, шаардлагад тохирсон бүтээгдэхүүн санал болгож, даатгалын тохиолдолд эрсдэлийг нь бүрэн хүлээж, мэргэжлийн ёс зүйг нарийн баримтлан ажилладаг нь дэлхий дахинд  100 сая хэрэглэгчийг татах үндэс болсон болов уу. Манай компанийн хувьд сургалт, хөгжлийг тэргүүнд тавьдаг нь  ажилтан болоод компанидаа оруулах томоохон хувь нэмэр гэж үздэг. Жилдээ нэг ажилтны сургалт хөгжилд 2000 австрали долларыг төсөвлөдөг. Энэ нь компани амжилттай, ашигтай ажиллах үндэс болдог” гэж “Зууны мэдээ” сонинд ярьжээ.

 Эх сурвалж:www.polit.mn