С.САРУУЛ

Бэлгийн дарамт учруулсан талаарх  гомдол, мэдээлэл гаргах, зөвлөгөө авах зэрэг платформыг датад үндэслэн бий болгожээ. Энэ талаар хуульч С.Асланбек “Зууны мэдээ” сонинд ярихдаа “Урьдчилан сэргийлэх ажлын хүрээнд бол мэргэжлийн сэтгэл зүйчийн бэлдсэн сонжоо бөглөх боломжтой. Эцэг эх хүүхдээ шалгуулах эсвэл эмэгтэйчүүд өөрсдийгөө сэтгэлзүйн хувьд шалгах боломжтой. Үүнийг чатбот, аппликейшн, платформоор давхар хийх боломжтой. Зөрчил шалган шийдвэрлэх тухай хуулийн 6.2 дугаар зүйлийн 1 дэх хэсэгт цахимаар мэдээлэл, гомдол авахыг хуулиар зөвшөөрсөн байгаа. Ингэхдээ мөн зүйлийн гурав дахь хэсэгт заасны дагуу мэдээлэл, гомдлыг тэмдэглэл үйлдэн хүлээж авна. Тэмдэглэлд мэдээллийг тусгаж, хүлээн авсан эрх бүхий албан тушаалтан гарын үсэг зурна гэсэн зохицуулалт байгаа. Энэ зохицуулалт хэт ерөнхий боловч хэрхэн, яаж цахимаар гомдол, мэдээллийг хүлээн авахыг тодорхой заасан байгаа. Цаашлаад хууль зүйн шинжилгээ хийх замаар эрх бүхий албан байгууллага энэ асуудлаар журам батлах боломжтой” гэлээ.

Эх сурвалж: www.polit.mn