С.САРУУЛ

 Цар тахалтай холбоотойгоор цахим сургалт эрчимжиж байна. Тэгвэл цахим сургалтыг сонгохдоо юуг анхаарах талаар “Корпорэйт трейнинг” компанийн үүсгэн байгуулагч, сургагч багш С.Баатарсүрэн  “Зууны мэдээ” сонины  “Leaderships forum” буланд ярихдаа “Байгууллага бол сургууль юм. Өөрөөр хэлбэл, хүнээ бэлтгэж чадсан байгууллага урагшилж, хүнээ бэлтгэж чадсан нийгэм хөгждөг. Сургалтын талбарт ажиллаж байгаа аж ахуйн нэгж, хувь хүмүүс цаг хугацааны аясаар шүүгдэнэ. Шаардлага хангахгүй, чанаргүй нь шахагдана. Цар тахал хөл хориотой холбоотойгоор цахим сургалт идэвхижиж байна. Цахим сургалтууд хоёр шалгуур тавьж байгаа . Нэгдүгээрт, хүлээн авагчид буюу суралцагчид цахимаар суралцахад бэлэн үү, хоёрдугаарт, сургагч багш аргазүй эзэмшсэн үү. Нэг ёсондоо ярих амархан гүйцэтгэл гаргуулах хэцүү, сургалтын гол утга учир нь ажилтанд олгож буй мэдлэгээр дамжуулан үр дүн гаргуулах.  Сургалтын аргазүйгээр дамжуулан мэдлэгийг сонсогчид хүргэсэн бол  суралцагчийн ажил амьдралд нь тодорхой түвшний өөрчлөлт гарахуйц үр дүн авчирсан байх ёстой гэсэн шаардлага тавьдаг.  Дараагийн асуудал  суралцагч цахимаар суралцахад бэлэн үү. Бид  танхимаар суралцах зан үйлийг төлөвшүүлчихсэн учраас цахимд төдийлөн бэлэн биш байна. Гэвч цахимыг цаг хугацаагаа чөлөөтэй өнгөрүүлэх талбар гэдэг ойлголт нэг үеийг бодоход харьцангуй өөрчлөгдөж ажил хийж, хөгжих талбар гэдгийг мэдэрчихээд байгаа. Цахимаар суралцахыг сонгож байгаа бол  нэн тэргүүнд сургагчийн туршлага аргазүйг харах хэрэгтэй. Дараагаар нь сургалтын хэлбэрийг маш сайн анхаарах хэрэгтэй. Онлайн сургалтын хамгийн сайн арга зүй бол “Classic training” буюу  60 хувьд нь онолын арга зүйд суралцаж, 40 хувьд нь суралцагч өөрөө гүйцэтгэдэг. Сүүлийн үед  “Master class”  гэх арга зүй олон улсын түвшинд нилээд давамгайлж байна.  Энэхүү арга зүй нь сургалтын бүхий л арга зүйгээр дамжуулан тухайлсан нэг сэдвийн талаарх мэдлэгийг ерөнхийгөөс нарийвчлан олгодог арга зүй юм. Манай улсад “Master class”  арга зүйгээр мэдлэг олгож байгаа сургалтын байгууллага олон бий. Манай хамт олон борлуулалтын мастер класс сургалт хийдэг. Борлуулалттай холбоотой мэдлэгүүдийг онлайнаар суралцаж, дадлага хийж, хэлэлцүүлэгт оролцож, ганцаарчилсан зөвлөмж авч, танхимаар суралцах боломжийг олгож байгаа” гэлээ.  

Эх сурвалж: www.polit.mn