С.САРУУЛ

“COVID-19”  PCR шинжилгээний хариу эерэг гарсан үед хаана, хэнд хандах, хэрхэн бусдад сэрэмжлүүлэх асуудлыг шийдэхээр COVID-19 ERSDEL системийг УОК-оос ирэх даваа гараг буюу дөрөвдүгээр сарын 19-нд ашиглалтад оруулахаар болжээ. Тодруулбал, PCR шинжилгээний хариу эерэг гарсан тохиолдолд гар утсанд  eruul.gerege.mn системээс найман оронтой тоо бүхий нэг удаагийн баталгаажуулах код ирэх юм. Ирсэн баталгаажуулах кодоо COVID-19 ERSDEL системд 24 цагийн дотор оруулж, өөрт ойр байсан хүмүүст халдварт өртсөн байж болзошгүй талаарх сэрэмжлүүлгийг хүргэх болно.

iPhone утас хэрэглэдэг бол үйлдлийн систем нь 12.5, 13.7 хувилбар эсвэл түүнээс хойших хувилбарууд дээр “Settings” цэсээс тохиргоо хийх боломжтой. Android үйлдлийн системтэй утастай бол Playstore -оос COVID-19 ERSDEL аппликейшныг татаж авснаар ашиглах боломжтой. Энэхүү системийг ашиглахын тулд утасныхаа Bluetooth -ийг идэвхжүүлэх шаардлагатай ба таны утас хэдэн минут тутамд өөрчлөгддөг, санамсаргүй тоон дарааллыг үүсгэж, өөр хүний утастай тодорхой зайнд ойртох үед утаснууд өөр хоорондоо санамсаргүй тоон дарааллаа солилцоно. Таны хувийн мэдээлэл тэрхүү тоон дарааллаар хамгаалагдсан байх болно.

Эх сурвалж: www.polit.mn