Б.ДОЛЖИНЖАВ

Сүүлийн үед сэтгэл хөдлөлөө удирдах чадвар буюу EQ талаар дэлхий нийтээр ярих боллоо. Хүүхдээ багаас нь сэтгэл хөдлөлөө удирдах чадварт суулгаснаар өөрт тохиолдсон асуудлаа амар хялбар аргаар шийдвэрлэж, илүү хурдан амжилтад хүрдэг байна.

Энэ талаар СЭМҮТ-ийн дэд захирал, анагаах ухааны доктор В.Баярмаа “Сэтгэцийн эрүүл мэндийн боловсролыг хүүхэд ахуй наснаас олгох нь ирээдүйд стресс даван туулах чадвартай, сэтгэлзүйн дархлаатай, дасан зохицох чадвартай хувь хүн бий болох үндэс юм. Манай төвийн залуу эмч нарын “MEDIC” багаас иргэдэд сэтгэцийн эрүүл мэндийн боловсрол олгох “COLORFUL MIND” цахим сэтгүүлийн анхны дугаарыг уншигчдын хүртээл болгосон. Сэтгүүлийг “WorldPlus” аппликэйшнээс үнэ төлбөргүй унших боломжтой. Сэтгэцийн эрүүл мэндийн үндэсний төвөөс фейсбүүк хуудсаараа дамжуулан иргэдэд коронавируст халдварын үед сэтгэл зүйгээ хэрхэн хамгаалах тухай мэдээ, мэдээллийг тогтмол хүргэн ажиллаж байна” гэж “Зууны мэдээ” сонинд ярьжээ.

Эх сурвалж:www.polit.mn