Б.ДОЛЖИНЖАВ

Хөл хорио тогтоосон,нийгмийн амьдралаас тусгаарлагдсан үед хүмүүст сэтгэл түгших шинж тэмдэг ихээр илэрч байна. Тиймээс СЭМҮТ-ийн дэд захирал, анагаах ухааны доктор В.Баярмаа “Зууны мэдээ” сонинд өгсөн ярилцлагадаа санал болгосон хөл хорионы үеэр сэтгэл зүйдээ хэрхэн анхаарах зөвлөмжийг хүргэе.

-Гэрийн хөл хорионд байгаа, тусгаарлалтад байгаа иргэд сэтгэл санаа тавгүй, бухимдсан үедээ манай төвийн сэтгэцийн эрүүл мэндийн мэдээлэл олгох 24 цагийн 1800-2000 утсанд хандан сэтгэцийн эмчтэй ярилцаж, мэдээлэл авч болно. Таагүй мэдрэмжээ ичиж, санаа зоволгүй илэрхийлж, бусдаас тусламж авахаасаа бүү санаа зовоорой. Аливаа зүйлийг эерэг талаас нь харж сурах хэрэгтэй. Хөл хорионы хугацааг нэгэн шинэ боломж гэж хараад шинэ зүйл сурах, шинэ хоббитой болох, хийж дуусгаагүй ажлаа хийж дуусгах, гэр бүлдээ илүү их цаг зарцуулах, хүүхдүүдтэй цагийг хөгжилтэй өнгөрөөх, хүүхэдтэйгээ хамт тоглох, ном унших, дасгал хөдөлгөөн хийх зэргээр цаг үр бүтээлтэй өнгөрүүлээрэй. Хэдий хөл хорионд байгаа ч гэсэн гэр бүлийнхэн, найз нөхөдтэйгөө цахимаар холбоотой байх нь ганцаардлаас сэргийлэхэд тустай. Хэрэв гэрээсээ ажлаа хийж байгаа бол ажил, амралтын цагаа зөв хуваарилах нь чухал.

Эх сурвалж:www.polit.mn