Б.ДОЛЖИНЖАВ

Хүмүүс сэтгэл гутрал орсон тохиолдолд хаана, хэнд хандахаа мэдэхгүйн улмаас цаг алдах, даамжруулах явдал нэлээд байдаг. Тэгвэл  мэргэжлийн сэтгэл зүйч болон сэтгэцийн эмчид хандаж тусламж авахаас гадна юу хийвэл зохистой талаар СЭМҮТ-ийн дэд захирал, анагаах ухааны доктор В.Баярмаа “Зууны мэдээ” сонинд өгсөн ярилцлагадаа дараах зөвлөмжийг санал болгожээ.

-Стресс бухимдал, сэтгэл гутралаас сэргийлэх, даван туулах арга бол стресс тайлах энгийн аргуудыг эзэмших юм. Амьсгалын дасгалыг тогтмол хийх, тогтмол цагт унтах, тогтмол дасгал хөдөлгөөн хийх, өдрийн ажлаа төлөвлөх, цагаа зөв хуваарилах, өөрийн дуртай зүйлээ хийх, хоббитой байх зэрэг нь сэтгэл зүйгээ хамгаалах энгийн аргууд юм. Мөн хүн амын сэтгэцийн эрүүл мэндийн боловсролыг дээшлүүлэх, стресс тайлах ур чадварыг эзэмших сургалтыг олон нийтэд хүргэх арга замыг сайжруулан, сэтгэцийн эрүүл мэндийг дэмжихэд олон нийтийн оролцоог нэмэгдүүлэх зэрэг ажлыг зохион байгуулах хэрэгтэй.

Эх сурвалж:www.polit.mn