Б.ДОЛЖИНЖАВ

ЭМЯ-наас COVID-19 халдварын тархалтын талаарх ээлжит мэдээллээ 11:00 цагт /2021.04.06/ өглөө. Улсын хэмжээнд даваа гаригт 602 хүнээс халдвар илэрсэн бол өнөөдөр 831 тохиолдол бүртгэгджээ. Ингэснээр Монгол Улсад батлагдсан тохиолдол 11651 боллоо.

Энэ талаар ЭМЯ-ны хэвлэлийн ажилтан Б.Ууганбаяр "Сүүлийн 24 цагт коронавирусийн халдвар илрүүлэх шинжилгээ хийхэд 831 хүнээс халдвар илэрлээ. Ингэснээр халдварын тоо улсын хэмжээнд 11651 болж байна. Эдгээр нь бүгд дотоодын халдвар  юм. Улаанбаатар хотод 731  халдвар батлагдсанаар нийслэлд гарсан халдварын тоо нийт 8906 болсон. Орон нутагт 99 бүртгэгдсэнээр орон нутагт гарсан халдвар 1358 боллоо.  Эмнэлгээс шалтгаалах  нэг халдварын тохиолдол бүртгэгдлээ. Сүүлийн хоногт 13 аймагт халдварын тохиолдол нэмэгдсэнээс  Төв, Ховд аймагт хамгийн олон тохиолдол бүртгэгдсэн.  Мөн өнгөрсөн хоногт нэг нас баралт бүртгэгдлээ. Сүүлийн дөрвөн өдөрт дөрвөн хүн нас барсан харамсалтай мэдээтэй байна. Маш хүнд байгаа хүний тоо нэмэгдэхийн хэрээр нас баралт нэмэгдэж байгаа" гэж ярилаа. Өнөөдрийн байдлаар COVID-19-ийн улмаас нас барсан хүний тоо 13 боллоо.

Эх сурвалж:www.polit.mn