Б.ДОЛЖИНЖАВ

ЭМЯ-ны ээлжит хэвлэлийн хуралд ХӨСҮТ-ийн Дархлаажуулалтын албаны дарга О.Дашпагма оролцож, сэтгүүлчдийн асуултад хариуллаа. 

Энэ үеэр тэрээр “Эхний тунгаар вакцинжуулахад дархлаа тогтохгүй гэдгийг дахин дахин анхааруулж  байна. Вакцины эхний тунд хамрагдсан хүмүүсийн 0.23 хувь нь халдвар авсан. Магадгүй халдвар авсан байхад нь вакцин хийсэн байх боломжтой. Мөн дархлаа тогтож амжаагүй байхад хайхрамжгүй байдлаасаа болоод халдвар авсан байх магадлалтай. Тиймээс иргэд вакцин хийлгэсэн гээд тайвширч болохгүй, халдвар хамгааллын дэглэмээ баримтлах хэрэгтэй. Бид дөрөвдүгээр сардаа багтаж нийслэлийн хүн амыг эхний тунгаар вакцинжуулж дуусгахаар төлөвлөж байна. Ямар вакцин хийх нь ханган нийлүүлэлтээс хамааралтай. Энэ сард 2-3 төрлийн вакцин буюу Синофарм үйлдвэрийн Вероселл, ОХУ-ын Спутник V вакциныг татан авч, хүн амаа дархлаажуулна.Вакцинуудын хувьд үйлдвэрлэгдсэн технологи нь л өөр өөр болохоос биш бүгд халдвараас сэргийлэх зорилготой ” гэж ярьсан  юм.

 Эх сурвалж:www.polit.mn