Б.ОД

Монгол Улс ОХУ-аас нэг сая тун Спутник-V вакциныг худалдан авах гэрээнд өчигдөр /2021.04.01/гарын үсэг зурж, тус  нэг сая тун вакциныг ирэх долоо хоногоос нийлүүлэхээр болсон байна.

БНХАУ-аас 300 мянган тун Verocell вакциныг өнөөдөр татаж авна. Мөн  энэ сарын 9-нд 900 мянган тун вакцин оруулж ирнэ гэдгийг Сангийн сайд Б.Жавхлан мэдээлсэн. Түүнчлэн бусад орон, олон улсын байгууллагын хандив, тусламжаар манай улс 450 мянган тун вакцин авч, иргэдээ вакцинжуулж байгаа. Энэ оны зургадугаар сард COVAX хөтөлбөрийн хүрээнд нийтдээ 239 мянган тун вакцин авахаар бэлтгэж байна.

Засгийн газар энэ оны зургадугаар сарын 30 гэхэд нийт хүн амынхаа 60 хүртэлх хувь буюу хоёр сая гаруй иргэнээ вакцинжуулахаар төлөвлөж, холбогдох судалгаа тооцоо гаргасан. Түүнчлэн Дэлхийн эрүүл мэндийн байгууллагаас баталгаажуулсан болон удахгүй баталгаажих гэж байгаа вакцинууд, тэр дундаа вакцины хатуу дэглэмтэй 11 улсад аль вакциныг голчлон хийж буйг анхааралтай ажиглаж, тэдгээр вакциныг худалдаж авах, олон улсын хөтөлбөрт хамрагдахад анхаарч ажиллаж байгаа юм.

Эх  сурвалж:www.polit.mn