Б.ДОЛЖИНЖАВ

ЭМЯ-наас COVID-19 халдварын тархалттай холбоотой ээлжит мэдээллээ 11:00 цагт /2021.04.02/ өглөө. Улсын хэмжээнд пүрэв гаригт 394 хүнээс халдвар илэрсэн бол баасан гаригт 486 тохиолдол бүртгэгджээ.

Энэ талаар ЭМЯ-ны хэвлэлийн ажилтан Б.Ууганбаяр "Сүүлийн хоногт 21 лабораторид 11876 хүнд шинжилгээ хийхэд 486 хүнээс халдвар илэрч, батлагдсан тохиолдол 9327 боллоо. 486 тохиолдлын хоёр нь эмнэлгээс шалтгаалах халдвар байна. Бусад 484 тохиолдлын 391 нь Улаанбаатарт, 93 нь орон нутагт бүртгэгдлээ. Сүүлийн хоногт 146 хүн эмчлэгдэн эмнэлгээс гарснаар нийт эдгэрсэн хүний тоо 5216 боллоо. Мөн харамсалтай мэдээ дуулгахад өнгөрсөн хоногт 58 настай эмэгтэй, 66 настай эмэгтэй хоёр өвчтөн нас барлаа. Ингэснээр COVID-19 халдварын улмаас нас барсан хүний тоо 10 боллоо. Өнгөрсөн 24 цагийн хугацаанд 146 хүн эмнэлгээс гарсан. Өнөөдрийн байдлаар нийт эдгэрсэн хүний тоо 5216-д хүрч, бүртгэгдсэн тохиолдлын 56 хувийг эзэлж байна” гэв.

Эх сурвалж:www.polit.mn