“#Нүүх үү, Суух уу Судалъя” мэдээллийн аяны хүрээнд орон нутгаас хот руу чиглэсэн шилжилт хөдөлгөөнд оролцож буй иргэдийн амьдрал, бодит байдал, тулгамдаж буй асуудлыг гэрэл зургийн хальснаа буулгах мөн шилжилт хөдөлгөөнд судалгаатай, хариуцлагатай, мэдээлэлтэй хандахыг уриалах зорилго бүхий “Шилжин суурьшигчид-2021” гэрэл зургийн үзэсгэлэн, уралдааныг НҮБ-ын Шилжилт Хөдөлгөөний Байгууллага, Монголын Гэрэл Зурагчдын Нэгдсэн Холбоо, “Цэгц Медиа” групп хамтран байгуулжээ. Улмаар өнөөдөр гэрэл зургийн уралдааны шилдэг оролцогчдод шагнал гардууллаа.

COVID-19 цар тахлын үеийн хөл хорионы үед уралдаан зарлагдсан ч гэрэл зурагчид идэвхтэй оролцож нийт 50 орчим гэрэл зурагчдын 200 гаруй бүтээл хүлээн авснаас 33 гэрэл зурагчны 70 бүтээл цахим үзэсгэлэнд оролцсон байна. “Шилжин суурьшигчид” гэрэл зургийн үзэсгэлэнгийн шагналт байруудад: 1-р байр Гэрэл зурагчин Э. Есүнгэ 2-р байр Гэрэл зурагчин Ц. Мягмарсүрэн 3-р байр Гэрэл зурагчин Ш. Гэрэлсайхан Тусгай байр Гэрэл зурагчин Д. Баттулга МГЗНХ-ны нэрэмжит шагнал: 1. Гэрэл зурагчин Б. Рэнцэндорж 2. Гэрэл зурагчин А. Сэргэлэн 3. Гэрэл зурагчин Г. Өнөболд нар тус тус шалгарчээ. Үзэсгэлэнгийн зураг бүр Монгол дахь дотоодын шилжилт хөдөлгөөнийөөр өөр өнцгийг харуулж чаджээ. Цаашид “ШИЛЖИН СУУРЬШИГЧИД”гэрэл зургийн үзэсгэлэн, уралдааныг хоёр жилд нэг удаа зохион байгуулахаар төлөвлөж байгаа юм байна.

Эх сурвалж:www.polit.mn