Б.ДОЛЖИНЖАВ

COVID-19 халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцууллаа. Улсын хэмжээнд даваа гаригт 575 хүнээс халдвар илэрсэн бол өнөөдөр /2021.03.30/  481 тохиолдол бүртгэгдлээ. Ингэснээр Монгол Улсад бүртгэгдсэн халдварын тоо 8070-д хүрлээ.

Энэ талаар ЭМЯ-ны хэлтсийн дарга Г.Болдмаа "Сүүлийн хоногт 18 лабораторид 14218 хүнд шинжилгээ хийхэд 481 хүнээс халдвар илэрсэн. 481 тохиолдол бүгд дотоодод бүртгэгдэж, дотоодын халдварын тоо 7533 болж байна. Улаанбаатарт 404, орон нутагт 77 тохиолдол бүртгэгдлээ.  Сүүлийн хоногт 124 хүн эмнэлгээс гарснаар эдгэрсэн хүний тоо 4835 боллоо.  25-40 насныхан нийгмийн идэвхтэй бүлэг гэдэг утгаараа халдвар их авч байгаа боловч 60-аас дээш насныхан биеийн байдал нь хүндэрч байна. Гэрийн тусгаарлалтад байгаа хүмүүс шинжилгээний хариу ямар гарахаас үл хамааран 14 хоног гэрийн тусгаарлалтаа үргэлжлүүлээрэй. Орон нутагт очсон иргэд мөн гэртээ 14 хоног тусгаарлагдах шаардлагатай. Албан байгууллагууд аль болох гэрээсээ ажиллах шаардлагатай байна" гэв.

Эх  сурвалж:www.polit.mn