Б.ОД

ЭМЯ-ны ээлжит хэвлэлийн хурлын үеэр тус яамны хэвлэлийн ажилтан Б.Ууганбаяр сэтгүүлчдийн асуултад хариулав. Энэ үеэр тэрээр “Одоогоор 2107 ор дэлгэх бэлтгэлийг Эрүүл мэндийн яам холбогдох эмнэлгийн байгууллагууд хангаад байна. Харин Бөхийн өргөө, Яармагийн Спортын ордонд ор дэлгэх бол бэлтгэл ажлын хүрээнд ярилцаж байгаа зүйл юм. Эхлээд эмнэлгийн орнууд дээрээ тулгуурлана. Улсын томоохон эмнэлгүүдэд ор дэлгэх асуудлыг чухалчлахгүй байна. Учир нь бусад эрүүл мэндийн үйлчилгээгээ бодох ёстой. Бүх эмнэлгээ COVID-19-ийг эмчлэх эмнэлэг болгож болохгүй. Үүнд тодорхой зохицуулалтыг хийгээд явж байгаа. Мөн халдвар авсан хүмүүсийн 84-90 хувь нь хөнгөн хэлбэрээр өвчилж байгаа тул хөнгөн өвчтөнүүдийг гэрээр нь эмчилж байна. Өнөөдрийн байдлаар 400 гаруй хөнгөн өвчтөн гэрээр эмчлүүлж байгаа бөгөөд хүндрэл бэрхшээл гараагүй. Тиймээс орны хувьд заавал мянга, мянгаар нь дэлгэх асуудал хараахан гараагүй” гэсэн юм.

ОХУ-аас дөрөвдүгээр сарын эхээр  вакцин хүлээн авахаар болжээ. Мөн дөрөвдүгээр сард БНХАУ-аас болон COVAX хөтөлбөрийн хүрээний вакцинуудыг оруулж ирэхээр яриа хэлэлцээ байгаа аж.

 Эх сурвалж:www.polit.mn