Б.ДОЛЖИНЖАВ

COVAX хөтөлбөрийн хүрээнд болон арилжааны зорилгоор 70 гаруй оронд ашиглаж байгаа COVID-19 эсрэг AstraZeneca вакцин 79 хувийн үр дүн үзүүлсэн гэсэн шинэ судалгааг АНУ танилцууллаа. АНУ, Чили, Перу улсын 32400 хүнийг хамруулан туршилт явуулснаас 190 хүний үр дүнд үндэслэн дээрх судалгааг гаргажээ.

Энэ тухай “Vanderbilt” анагаах ухааны их сургуулийн халдварт өвчний шинжээч Уильям Шчаффнер “Халдвар хүндэрсэн тохиолдолд болон үхлийн эсрэг үзүүлэх үйлчилгээ нь AstraZeneca вакцин бусад вакцинтай адилхан” гэв.                                               

Түүнчлэн 65-аас дээш насны ахмад настнуудад 85 хувийн үр дүн үзүүлсэн байна. Энэ талаар өөрөө болон эцэг эх нь AstraZeneca вакцинд хамрагдсан  “Queensland” их сургуулийн профессор Паул Гриффин “Дээрх судалгаа вакцины аюулгүй байдал, үр дүнд итгэх итгэлийг нэмэгдүүллээ. Тиймээс одоо улс орнууд вакцинжуулалтаа итгэл дүүрэн үргэлжүүлэх болов уу” гэж ярилаа.

Эх сурвалж:Reuters