Б.ОД

Газар хөдлөлтийн гамшгаас амжиж анхааруулах системийг туршин шалгах ажлыг өнөөдөр 16:00 цагаас зохион байгуулна гэж Онцгой байдлын ерөнхий газраас мэдээллээ.

 Энэ үеэр Дундговь аймгийн Дэрэн, Дэлгэрцогт сумдуудын DRN-1, DRN-2, DRN-3 станцууд, Төв аймийн Баянцагаан сумын DRN-4 станц дээр буюу газар хөдлөлтийг мэдрэх нийт дөрвөн станц дээр зохиомол газар хөдлөлтийг үүсгэх “Shaking table” төхөөрөмжийг суурилуулж, “Улаан” түвшний /7 баллын/ чичирхийлэл үүсгэснээр газар хөдлөлтийн амжиж анхааруулах систем автоматаар ажиллан нийслэлийн дуут дохиоллын 60 цамхаг дуугарч иргэдэд сэрэмжлүүлэг мэдээллийг хүргэнэ.

Түүнчлэн сэрэмжлүүлэг мэдээллийг дуут дохиоллын 60 цамхаг, цамхагийн 10 дэлгэц, 19 телевиз,  зургаан ФМ,  кабелийн дөрвөн телевиз, үүрэн телефоны дөрвөн оператор, нийслэлийн хэмжээнд үйл ажиллагаа явуулдаг долоон лед дэлгэц, Е-mongolia аппликейшнээр тус тус нэгэн зэрэг иргэдэд мэдээлэх юм.

Эх сурвалж:www.polit.mn