Б.ОД

Шадар сайд С.Амарсайхан МХЕГ-т ажиллах үеэр "Хурдан морины уралдаанд оролцсон 19 хүнийг ажиглаж байна. Рашаан  сувилалд явж, хүний бөөгнөрөл үүсгэх зэргээр иргэд хайхрамжгүй үйлдэл" гаргаж байгаа тухай мэдээллийг аймгуудаас оролцож буй төлөөллүүд танилцууллаа.

Шадар сайд С.Амарсайхан "Зөөлөнд нь зөв, бурууд нь хатуу хандана. Мэргэжлийн хяналтын алба хаагчид төрийн бодлогыг хэрэгжүүлэхэд үлгэр дууриал болох ёстой. Алдаа дутагдлыг олон нийтэд тухай бүрт мэдээлж буй тул цар тахлын үед сайн ажиллаж байгаа ажилчид санаа зовох шаардлагагүй. Нэг хүний буруу үйлдлээс нийтийн нэр хүндийг унагаж болохгүй. Япон-Монголын эмнэлэгт ажиллаж байгаа залууст халдвар хамгааллын хувцас өгөхгүй байна. Халдвар хамгааллын хувцсыг зөвхөн эмч, сувилагч нар хэрэглэх учраас резидент эмч нарт өгөхгүй байна гэсэн иргэний гомдол ирсэн. Мөн шөнийн цагаар үүдээ хаасан ч дотроо үйл ажиллагаагаа явуулж, цагийн хуваариа барихгүй байгаа ААН-үүдийн мэдээллийг нийтэлнэ. Дүрэм журмыг баримтлахгүй байгаа иргэд, байгууллагуудад хуулийн хатуу хариуцлага хүлээлгэх нь зүйтэй” гэв.

 Эх сурвалж:www.polit.mn