ЭМЯ:Өчигдөр 210, өнөөдөр 206 тохиолдол бүртгэгдлээ

Нүүр

Геополитик

ЭМЯ:Өчигдөр 210, өнөөдөр 206 тохиолдол бүртгэгдлээ

2021-03-23

Нийтэлсэн: Админ

1 мин унших

ХУВААЛЦАХ

ЖИРГЭХ

Б.ДОЛЖИНЖАВ

ЭМЯ-наас COVID-19 халдварын тархалттай холбоотой ээлжит мэдээллээ 11:00 цагт /2021.03.23/ өглөө. Улсын хэмжээнд өчигдөр 210 хүнээс халдвар илэрсэн бол өнөөдөр 206 тохиолдол бүртгэгдлээ.

Энэ талаар ХӨСҮТ-ийн Тандалт, судалгааны албаны дарга Ж.Байгалмаа "Сүүлийн хоногт 16 лабораторид 12326 хүнд шинжилгээ хийхэд 206 хүнээс халдвар илэрсэн. Ингэснээр нийт халдварын тоо 5392 болж байна. 206 тохиолдлын 204 нь дотоодод бүртгэгдсэн. Эмнэлгээс шалтгаалах халдвар хоёр бүртгэгдсэн. Төв аймагт гурав, Хөвсгөл аймагт нэг, Дархан-Уул аймагт долоо, Увс аймагт хоёр буюу орон нутагт нийт 13 тохиолдол батлагдлаа. Сүүлийн хоногт 152 хүн эмчлэгдэн эмнэлгээс гарснаар нийт эдгэрсэн хүний тоо 3722 боллоо. Завхан аймгийн Шилүүстэй суманд дөрвөн хүн эдгэрч, эмнэлгээс гарснаар тус аймагт бүртгэгдсэн зургаан тохиолдол бүгд эдгэрлээ. Өнөөдрийн байдлаар нийт 1419 хүн эмчлүүлж байгаагаас биеийн байдал нь хөнгөн 1218, хүндэвтэр 183, хүнд 14, нэн хүнд дөрвөн хүн байна. Халдварын нөхцөл байдал улам хүндэрч байна. Та бүхэн нийгмийн харилцаагаа багасгаж, халдвар хамгааллын дэглэмээ чанд сахиарай" гэлээ.