Б.ДОЛЖИН

ХӨСҮТ шинжилгээний хариуг хуурамчаар үйлддэг баримтууд дэлгэгдсэн. Энэ нөхцөл байдлаас үүдэн Төв, Завхан, Хөвсгөл аймагт халдвартай тохиолдлууд илэрсэн. Энэ талаар  ХӨСҮТ-ийн Ерөнхий захирал Л.Баттөр  "ХӨСҮТ-д хуурамч хариу үйлдсэн асуудлыг хууль хяналтынхан шалгаж байгаа. Бид энэ хугацаанд сахилга хариуцлагаа сайжруулах арга хэмжээ авч байна. ХӨСҮТ-ийн лаборатори COVID-19-ийн үеийн лавлагаа лабораториор ажиллаж байгаа. Бусад газруудад хийж байгаа шинжилгээний лавлагааг хийх зориулалтын лаборатори юм. Мөн дотоод хяналт явагддаг учраас шинжилгээний хариу баталгаатай гардаг. Шинжилгээний алдаа гарахад нөлөөлж байгаа хүчин зүйлийг тодорхойлж арилгах шаардлагатай. Энэ нь ХӨСҮТ-ийн тоног төхөөрөмжүүдэд цахимжуулалтын программ харьцангуй сул хөгжсөн. Мэдээллийг гараараа шивэх зэрэг алдаа байдаг. Тиймээс гараар шивэхтэй холбоотой алдааг засна. БНСУ болон БНХАУ-ын шинжилгээний аргуудыг ашигладаг. Хэчнээн өвөрмөц чанар өндөр байлаа гээд олон шинжилгээ хийхэд хуурамч эерэг, хуурамч сөрөг хариу гэж гардаг. Үүнтэй холбоотой алдаа гарч байхыг үгүйсгэхгүй " гэсэн юм.

 Эх сурвалж:www.polit.mn