Ч.Зотол 

Сүхбаатар аймгийн Эрдэнэцагаан сумын нутагт  хүрэн нүүрсний хайгуулын зөвшөөрөл авч өнгөрсөн жилээс үйл  ажиллагаа эхлүүлсэн “Мон-Ураниум Ресурс” компанийн удирдлагууд цар тахлын аюулгүй байдлыг сахихгүй байна. Аймгийн Засаг дарга, холбогдох албаныхан шаардлага тавихгүй байна гэж тус сумын иргэдийн төлөөлөл, “Уул уурхайгүй Эрдэнэцагаан” ТББ-ын зүгээс шаарджээ.  

“Мон Ураниум Ресурс” компани  Эрдэнэцагаан сумынтөвөөс 10 гаруйхан километрт байрладаг. Улс даяар  цар тахлын өндөржүүлсэн бэлэн байдал зарласан үед үйл ажиллагаагаа зогсоохгүй олон хүн бужигнуулан  хэл ам таталж байсан. Тэгвэл энэ сарын 19-нд тус уурхайд   Улаанбаатар хотоос уурхайн ажилчид хэмээн 45 суудалтай томавтобусаар дүүрэн хүн авчирчээ. Түүнийг дагалдан жийп машинтай хүмүүс ч бас ирсэн байна. Коронавирусын тархалт их байгаа, голомт болсон Улаанбаатараас шинжилгээ болон вакцинд  хамрагдсан эсэх нь тодорхойгүй хүмүүсийг сумын нутаг дэвсгэрт авчирсан. Хамгийн гол нь аймаг, сум руу орох хөл хөдөлгөөнийг хаасан үед хэний ямар тушаалаар ийнхүү дураар авирлаж байгааг сумын иргэд мэдэхийг хүсч аймгийн Засаг даргадаа хандаж тайлбар хүсчээ. 

Эрдэнэцагаан сум 7000 гаруй хүн амтай. Цар тахлын аюулаас иргэд, малчдыг хамгаалах, урьдчилан сэргийлэх арга хэмжээ авахыг “Уул уурхайгүй Эрдэнэцагаан” ТББ-аас шаардаж байна  гэв.  

Эх сурвалж:www.polit.mn