Б.ОД
Сүүлийн өдрүүдэд COVID-19 эсрэг шинжилгээ өгөх цаг дүүрсэн, олдохгүй байгаа талаар иргэд гомдол гаргаж байна. ЭМЯ-ны ээлжит хэвлэлийн хурлын үеэр шинжилгээний цэгийн тоог нэмэгдүүлэх боломжтой эсэх талаар ЭМЯ-ны хэвлэл мэдээллийн ажилтан Б.Ууганбаяр тайлбар өглөө.
Тэрээр "Дархлаажуулалтын ажил эхэлсэн учраас шинжилгээний цэгийг цөөлөх зохицуулалтыг хийж байгаа. Дархлаажуулах ажлыг хурдтай, богино хугацаанд зохион байгуулах шаардлагатай учраас PCR шинжилгээний цэгийн тоог цөөрүүлэхээс өөр аргагүй.Нөгөө талаас шинжилгээ өгч байгаа тоог хязгаарлах шаардлагатай.Манай улс өнгөрсөн хугацаанд хүн амтайгаа харьцуулахад өндөр хөгжилтэй орнуудаас олон тооны шинжилгээг хийсэн. Тийм учраас ААН-үүдийг ажилчдаасаа шинжилгээний бичиг шаардахаа болих хэрэгтэй гэдгийг ЭМЯ-наас байнга зөвлөж байгаа. Иргэдээсээ зөвхөн хөдөө орон нутаг руу зорчих зайлшгүй шаардлагаар шинжилгээ өгөөч ээ гэж хүсч байна. Шинжилгээний цэгүүд дээр хиймэл ачаалал үүсгэж байгаа явдлыг засахаар холбогдох албаныхан ажиллаж байгаа" гэлээ.
Эх сурвалж:www.polit.mn