Б.ДОЛЖИНЖАВ
ЭМЯ-наас COVID-19 халдварын тархалттай холбоотой ээлжит мэдээллээ 11:00 цагт /2021.03.19/ өглөө. Сүүлийн хоногт пүрэв гаригт 158 хүнээс халдвар илэрсэн бол баасан гаригт 160 хүнээс халдвар илэрчээ.
Энэ талаар ХӨСҮТ-ийн дэд захирал Э.Тэмүүлэн "Сүүлийн хоногт 24482 хүнд шинжилгээ хийхэд 160 хүнээс халдвар илэрсэн. Ингэснээр нийт халдварын тоо 4658 боллоо. Дотоодын халдварын 160 тохиолдол бүгд Улаанбаатарт бүртгэгдлээ. Шинээр батлагдсан 160 тохиолдлын 141 нь халдвартай хүмүүсийн ойрын хавьтлууд бол 19 хүний халдварын эх уурхайг тогтоохоор ажиллаж байна.Халдварын эх уурхайг нь тогтоож байгаа хүмүүс БЗД-ийн 4, 14, 26 дугаар хороо,БГД-ийн 7 дугаар хороо,СБД-ийн 11, 12 дугаар хороо, СХД-ийн 3, 8, 25, 37 дугаар хороо, ХУД-ийн 20 дугаар хороонд байна. Сүүлийн хоногт 84 хүн эмнэлгээс гарснаар нийт эдгэрсэн хүний тоо 3296 боллоо. Өнөөдрийн байдлаар нийт 1284 хүн эмчлүүлж байгаагаас биеийн байдал нь хөнгөн 1138 хүндэвтэр 136, хүнд долоо, нэн хүнд гурван хүн байна.Халдварын нөхцөл байдал өдөр ирэх тутам хүндэрч байгаа. Тиймээс иргэд минь халдвар хамгааллын дэглэмээ чанд сахиж мөрдөх хэрэгтэй байна" гэлээ.
Эх сурвалж:www.polit.mn