Б.ОД

Үйл ажиллагаа нь нээгдсэн худалдаа үйлчилгээний газрууд халдвар хамгааллын дэглэмийг хэрхэн мөрдөж байгаад Нийслэлийн мэргэжлийн хяналтын газраас шалгалт хийсэн талаар мэдээллээ. 

НМХГ-ын чанар, стандартын хяналтын улсын ахлах байцаагч Б.Хонгор "Хоёрдугаар сарын 23-наас үйл ажиллагаа нь нээгдсэн хоол, нийтийн үйлчилгээний 3000 орчим ААН-д НМХГ-ын алба хаагчид давхардсан тоогоор 8300 удаагийн хяналт шалгалт хийж, зөвлөн туслах үйлчилгээг үзүүллээ. Олон улсын эмэгтэйчүүдийн эрхийг хамгаалах өдрийг тохиолдуулан гуравдугаар сарын 7-9-нд хоол, нийтийн үйлчилгээний 1175 ААН, иргэний үйл ажиллагаанд хяналт шалгалт хийхэд 668  зөрчил дутагдал илэрснээс 343-ыг нь газар дээр нь арилгуулсан. Тухайлбал, QR код байршуулаагүй, уншуулдаггүй 45 байгууллага, үйлчлүүлэгч болон ажиллагсдынхаа халууныг хэмжиж, тэмдэглээгүй зөрчил 118 ААН, хоорондын зайг хоёр метрээс доошгүй, ширээнд суудал алгасаж суухаар тооцон тэмдэг тэмдэглэгээ байршуулаагүй 66 ААН-ийг илрүүлсэн. Мөн өрөөний талбайн багтаамжийн 50 хувиас хэтрэхгүй байхаар тооцож үйлчлүүлээгүй, хэрэглэсэн аяга, таваг, хэрэгслийг гурван дамжлагат угаалгаар зааврын  дагуу угааж, халдваргүйжүүлсний дараа хэрэглээгүй зөрчил илэрсэн. Тусгай зөвшөөрөлгүй үйл ажиллагаа явуулж байсан караоке бааруудын үйл ажиллагааг нь түр хугацаагаар зогсоосон” гэсэн юм.

Эх  сурвалж:www.polit.mn