• Зууны мэдээ сонин онлайн захиалга

Боксын ДАШТ Сербид болно

2021-02-22 16:22

Ч.ЗОТОЛ

Олон улсын сонирхогчдын  боксын холбоо (AIBA)-ны ерөнхийлөгч Умар Кремлёв  “Сербийн ерөнхийлөгч Александр Вучич  миний саналыг хүлээн авсанд талархаж байна.  Дэлхийн боксын аварга шалгаруулах тэмцээн 2021 онд Сербид болно” хэмээн мэдэгджээ. Мөн  AIBA өнгөрсөн өдрүүдэд   Америкийн континентал  форумыг зохион байгуулсан бөгөөд холбооны шинэчлэлийн асуудлаар хамтран ажиллах болсноо мэдээлэхдээ  “Удахгүй дэлхийн боксын газрын зураг дээр бид шинэчлэгдсэн, илүү хүчирхэг Америк тивийг харна гэдэгт итгэлтэй байна” гэжээ. Түүнчлэн Балканы орнуудын боксын холбооны тэргүүлэгчдийн уулзалтыг зохион байгуулж,  тус бүс нутагт боксын спортыг  хөгжүүлэх тухай санал солилцож дэмжихээ илэрхийлсэн  байна.

Умар Кремлёв  өнгөрсөн арванхоёрдугаар сард Олон улсын сонирхогчдын  боксын холбоо (AIBA)-ны ерөнхийлөгчөөр сонгогдсон. Гэсэн ч  Олон улсын олимпийн хорооны тэргүүн Томас Бах  түүнийг (AIBA)-нд шинэчлэл хийхгүй байна хэмээн  удаа дараа шүүмжлээд байгаа юм. Тэрээр “AIBA-д өрнөж буй үйл явдал бидний санааг зовоож байна. Удирдлага, менежмент, шүүлт гэхчлэн олон асуудал бий. Гэтэл шинэчлэл харагдахгүй байна” гэсэн юм.

Эх сурвалж: www.polit.mn

 

 

 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.