Б.ДОЛЖИНЖАВ

Улсын онцгой комиссын шийдвэрийн дагуу нийслэл 12 хоног хатуу хөл хорионы дэглэмд шилжинэ. Энэ хугацаанд нийслэлийн 420 мянган өрхөөс шинжилгээ авахаар төлөвлөсөн. “Нэг хаалга-нэг шинжилгээ”-нд  нийслэлээс дөрвөн тэрбум, Засгийн газрын нөөц хөрөнгөөс 26 тэрбум нийт 30 тэрбум төгрөг зарцуулах урьдчилсан тооцоолол гарчээ.

Ингэхдээ өрх бүрийн 18-аас дээш насны нэг гишүүнээс шинжилгээ авна. Бүх нийтийн бэлэн байдлын үед нийслэлийн хэмжээнд явуулын, автобустай, байнгын  гэсэн 210 цэгт шинжилгээ авах юм. Шинжилгээ өгөөгүй тохиолдолд Зөрчлийн тухай хуулийн дагуу  иргэнийг 100 мянган төгрөгөөр торгоно. Мөн  хөл хорионы үеэр гэрээсээ гарсан иргэнийг 500 мянга, үйл ажиллагаа явуулсан аж ахуйн нэгж, байгууллагыг таван сая хүртэлх төгрөгөөр торгох юм.

Харин зөвшөөрсөн 14 байгууллагын ажилчдад нийтийн тээвэр 07.00-10.00, 17.00-20.00 цагт үйлчилнэ. Нийтийн тээврээр үйлчлүүлэхдээ ажилчин, албан хаагчид ажлын үнэмлэхээ үзүүлж зорчино. Замын хөдөлгөөнд оролцоход автомашинуудад QR код олгохгүй, ажлын үнэмлэх, ажлын газрын тодорхойлолт буюу тусгай зөвшөөрлийг нь үндэслэн хөдөлгөөнд оролцуулна.

Эх сурвалж:www.polit.mn