УОК:Хөл хорионы үеэр зөвшөөрсөн 14 байгууллага ажиллана

Нүүр

Геополитик

УОК:Хөл хорионы үеэр зөвшөөрсөн 14 байгууллага ажиллана

2021-02-09

Нийтэлсэн: Админ

1 мин унших

ХУВААЛЦАХ

ЖИРГЭХ

Б.ОД

Нийслэл энэ сарын 11-ний 06:00 цагаас 23-ны 06:00 цаг хүртэл хугацаанд Гамшгаас хамгаалах бүх нийтийн бэлэн байдлын зэрэгт шилжиж, зарим хязгаарлалтын дэглэмүүд үйлчилнэ. УОК-ын даргын дэргэдэх шуурхай ажлын хэсэг өчигдөр хуралдаж, зөвшөөрсөн 14 салбарын үйлчилгээг тусгай горимын дагуу явуулах асуудлыг хэлэлцжээ.

Үйл ажиллагааг нь зөвшөөрсөн 14 байгууллага бүх нийтийн бэлэн байдлын зэрэгт шилжсэн өдрүүдэд холбогдох халдвар хамгааллын дэглэмийн дагуу ажиллах эрхтэй байх юм.Тиймээс хүнсний дэлгүүр ажиллахгүй гэсэн нь ташаа төөрөгдүүлсэн мэдээлэл болохыг УОК-оос мэдэгдлээ.

Үйл ажиллагааг нь зөвшөөрсөн байгууллага

Эрчим хүч, дулаан, усан хангамж, ариутгал, хог хаягдал, нийтийн аж ахуй, инженер хангамжийн байгууллага
Эрүүл мэндийн байгууллага, эм, эмнэлгийн хэрэгсэл, ханган нийлүүлэх үйл ажиллагаа
Улсын онц чухал болон стратегийн ач холбогдол бүхий объект, байгууллагын үйл ажиллагаа /“Улаанбаатар төмөр зам” ХНН, “Чингис хаан”, ИНЕГ түүний харьяа алба салбар, “Буянт-Ухаа” олон улсын нисэх буудал, “МИАТ” ТӨХК, ”Биокомбинат” төрийн өмчит үйлдвэрийн газар, Уул уурхайн салбарын хангалт, Үндэсний дата төвийн нөөц төв, Дипломат төлөөлөгчийн газар, НҮБ-ын суурин төлөөлөгчийн газар түүний ажилтан, албан хаагчдын 10 хүртэлх хувь ажиллах, цагийн хязгаартай/
Тусгайлсан чиг үүрэг бүхий байгууллагын үйл ажиллагаа
Хууль тогтоох дээд байгууллага, төрийн захиргааны байгууллага, төрийн болон нутгийн өөрөө удирдах байгууллага, гааль, шүүх, прокурор, өмгөөлөл, нотариатын байгууллага, Сонгуулийн Ерөнхий хорооны үйл ажиллагаа /ажилтан, албан хаагчдын 10 хүртэлх хувь ажиллах, цагийн хязгаартай/
Хүүхэд хамгааллын үйлчилгээ, асрамж халамжийн төрөлжсөн байгууллага, МУЗН
Хүнсний үйлдвэрлэл, тээвэрлэлт, түгээлт, худалдаа
Мал, амьтны өвс, тэжээлийн тээвэрлэлт, түгээлт
Газрын тосны бүтээгдэхүүн, түлшний хангамж, түгээлт, тээвэрлэлтийн үйл ажиллагаа
Сайжруулсан түлшний үйлдвэрлэл, нийлүүлэлт, тээвэрлэлт, түгээлт
Банкны цахим болон автомат тооцооны машин
Хэвлэл мэдээлэл, харилцаа холбоо, шуудан, илгээмж
Зөвшөөрөлтэй харуул хамгаалалтын байгууллага
Оршуулгын үйл ажиллагаа