С.САРУУЛ
Сагсан бөмбөгийн хоёр тамирчин энэ сарын 7-нд амь насаа алдсан харамсалтай хэрэг гарсан. Тус хэргийн талаар ЦЕГ-ын хэвлэл мэдээллийн төвөөс мэдээлэл өглөө. Төвийн дарга, дэд хурандаа Б.Баатархүү “Хоёрдугаар сарын 7-ны өдрийн 03.00 цагт Баянзүрх дүүргийн 25 дугаар хорооны нутаг дэвсгэрт хүн нас барсан гэсэн дуудлага мэдээлэл эрүүл мэндийн байгууллагад ирсэн. Тэр даруй цагдаагийн байгууллага хэргийн газарт очиж ажилласан. Хэргийн газрын үзлэгээр 23 настай Ц гадны нөлөөтэй амь насаа алдсан, 20 настай И өндрөөс унасан байдалтай амь насаа алдсан нөхцөл байдал тогтоогдож байна. Энэ хэрэгт Баянзүрх дүүргийн Цагдаагийн газраас хэрэг бүртгэлийн хэрэг нээгээд, мөрдөн шалгах ажиллагаа явуулж байна. Цагдаагийн байгууллага шалгаад, хуулийн хугацаанд хэргийг шийднэ” гэлээ.
Эх сурвалж: www.polit.mn