“Бүртгэлийн QR код иргэдийн хувийн мэдээллийг авахгүй”

Нүүр

Геополитик

“Бүртгэлийн QR код иргэдийн хувийн мэдээллийг авахгүй”

2021-02-02

Нийтэлсэн: Админ

1 мин

ХУВААЛЦАХ

ЖИРГЭХ

Б.ДОЛЖИНЖАВ

COVID-19-ийн тархалтаас урьдчилан сэргийлэх зорилгоор "QR код уншуулах буюу “E-Barimt” системд суурилсан бүртгэл нь хүний халдашгүй, чөлөөтэй байх, хувийн нууцаа хамгаалуулах эрх зөрчигдөх эрсдэлийг үүсгэсэн" гэж Хүний эрхийн үндэсний комисс үзэж Улсын онцгой комисст шаардлага хүргүүлсэн.

Үүнд Харилцаа холбоо, мэдээллийн технологийн газар "E-Barimt аппликейшнд нэвтэрч орохоос өмнө QR кодыг уншуулахаар программчилсан. Өөрөөр хэлбэл тухайн хүний регистр болон дансны дугаар, нууц код гэсэн хувийн мэдээлэлтэй нь холболгүй, зөвхөн гар утасных нь ID, байршил тодорхойлсон QR кодыг бүртгэж байгаа. Тухайн иргэний хэн бэ гэдэг мэдээллийг авахгүй. Ямар нэг байршлаар зорчсон хүн халдвартай болох нь шинжилгээгээр батлагдсан бол түүгээр явсан иргэдийг тогтоож, шинжилгээ өгөөрэй гэдэг мэдэгдлийг тухайн гар утас буюу төхөөрөмжийн ID-д тулгуурлан E-Barimt аппликейшнээр хүргэж байна" гэж тайлбарласан юм. Өнөөдрийн байдлаар 154 мянга гаруй байгууллага байршил тогтоох буюу QR код үүсгэж, хоёр сая 160 мянга орчим удаа иргэд QR код уншуулаад байна.

Эх сурвалж:www.polit.mn