Б.ДОЛЖИНЖАВ

Та өдөр тутмынхаа амьдралд түүртээд өөрийгөө хөгжүүлэхэд хангалттай цаг зав гаргаж чадахгүй яарсан, сандарсан, бухимдсан байдалтайгаар өдөр хоногийг өнгөрөөсөөр байна уу. Өглөө эрт босохыг хүсдэг ч, хүслээ биелүүлж чадахгүй  л байна уу. Тэгвэл  энэ байдлаас гарч, өөрийгөө хөгжүүлэхэд тань туслах  “Өглөөний гайхамшиг” номын онцлох эшлэлүүдээс хүргэж байна. Энэ нь АНУ-ын шилдэг  илтгэгч, бизнес эрхлэгч, хэт холын зайн гүйлтийн тамирчин, дэлхийн хамгийн шилдэг амжилтын дасгалжуулагчийн нэг Хэл Элродын олон улсын шилдэг борлуулалттай ном юм.

-Амьдрал хүнд хэцүү байна гэдэг өсч дэвжих хамгийн том боломж юм.

-Өөрийнхөө хамгийн сайн хувилбар нь болцгооё.

-Та өөрийн нөөц бололцоог бүрэн дайчилж, мөрөөдлийнхөө төлөө тэмүүлж, бусдад ч гэсэн үлгэр жишээ нэгэн болох ёстой. Энэ бол таны зорилго юм.

-Өөрчилж болохгүй зүйлсийн төлөө сэтгэл санаагаа зовоох хэрэггүй.

-Ер бусын амьдарна гэдэг хамгийн чухал зүйлсээ өдөр бүр хөгжүүлэхийн нэр юм. Робин Шарма

-Байгаа бүхэндээ талархаж, байхгүй бүхнээ хүлээн зөвшөөрч, үргэлж хүссэнээ бүтээж яваарай.

-Амьдралд тохиолдох аливаа саад бэрхшээлээс суралцаж, хэрхэн бусдын амьдралд үнэ цэнэ бий болгох тал дээр анхаарах аваас ямар ч золгүй тохиолдлыг давуу тал болгож болдгийг би ухаарсан.

-Нэг цагийг нам гүм өнгөрөөх нь бүтэн жил ном уншсантай дүйцнэ.

-Сэтгэл зовнилоо богино хугацаанд багасгаж, өдөр бүрийг тайван амгалан эхлүүлж, амьдралынхаа чухал зүйлсэд анхаарлаа хандуулж, тэр бүү хэл гэгээрлийн зах зухаас мэдрэхийг хүсвэл өглөө бүрийг зорилготой нам гүм байдлаар эхлүүлж байгаарай.

-Хэрэв бусад хүмүүс чадаж байгаа бол би ч бас чадна.

-Амьдралыг мэдэрч, хүртэх ёстой аз жаргал, эрүүл мэнд, эд баялаг, хайр халамжаа нэг ч өдөр бүү хойш нь тавиарай.

-Хэдхэн минут дасгал хийснээр эрч хүч, эрүүл мэнд, өөртөө итгэх итгэл, сэтгэл зүйгээ үлэмж хэмжээгээр сайжруулах боломжтой болно.

Эх сурвалж:www.polit.mn