Б.ДОЛЖИНЖАВ

ЭМЯ-наас COVID-19 халдварын тархалттай холбоотой ээлжит мэдээллээ 11:00 цагт /2021.01.25/ өглөө. Улсын хэмжээнд  ням гаригт 7065 хүнд шинжилгээ хийхэд 16 хүнээс халдвар илэрчээ. Ингэснээр дотоодын халдвар 1140, нийт батлагдсан тохиолдол 1643 боллоо.

Энэ талаар ХӨСҮТ-ийн Тандалт, судалгааны албаны дарга А.Амбасэлмаа "Улаанбаатар хотод бүртгэгдсэн 16 тохиолдол нь өмнөх батлагдсан тохиолдлуудын хавьтлуудын давтан шинжилгээ болон БЗД-ийн  II хорооны 4, 5, 8 дугаар хэсгийн голомтод бүртгэгдсэн. ЭМЯ-ны нэг ажилтан халдварт өртсөн. Тиймээс ЭМЯ-ны нийт 128 ажилтныг шинжилгээнд хамруулахад урьдчилсан байдлаар халдвар илрээгүй.  Таван хүнийг ажиглан тусгаарлах байранд, 28 хүнийг гэрийн ажиглалтад байлгаж байгаа. Одоогийн байдлаар БГД-ийн  XII хорооны 19 дүгээр байрны халдвар, БЗД-ийн  II хорооны 4, 5 дугаар хэсгийн голомт идэвхтэй байгаа. БЗД-ийн II  хорооны голомтод 11 хүн өвчилсөн. Тус голомтын тандалтыг хийх явцад бусад дүүргүүдэд оршин суудаг иргэд халдварт өртсөн тохиолдлууд гарсан. Мөн орон нутаг руу явахаар сайн дураар шинжилгээ өгсөн иргэдээс нэг хүнд коронавирус илэрсэн. Тандалтын явцад тухайн хүн батлагдсан тохиолдлын хавьтал болохыг тогтоосон” гэж ярилаа.

Дотоодын халдвар 1140 /2021.01.25/

• Улаанбаатар хотод-814 
• Орхонд-25
• Архангайд-3
• Сэлэнгэд-217
• Дархан-Уулд-45
• Говьсүмбэр-4
• Дорноговь-32 тохиолдол тус тус бүртгэгдээд байна.

Эх сурвалж:www.polit.mn