Б.ОД

Цар тахлын улмаас бүх шатны боловсролын байгууллага хаагдаж, алсын зайнаас хичээллэж байгаа билээ. Оюутнуудын тухайд өнгөрсөн оноос эхлэн цахим хичээл гэсэн нэгэн шинэ сорилттой тулгарсан. Алсын зайнаас хичээллэж эхлээд нэг жил орчим хугацаа өнгөрсөн ч цахим хичээлтэй холбоотой маргаан тасарсангүй. Түүнчлэн саяхан Боловсрол шинжлэх ухааны яамнаас оюутнуудын ихэнх нь цахим хичээлдээ сэтгэл хангалуун байна гэсэн судалгааны үр дүнгээ танилцуулсан нэлээд хэл ам дагуулж байна.

Тэгвэл оюутнуудад тулгамдаж буй асуудалд дуу хоолойгоо илрэхийлэх зорилготой 49 их, дээд сургуулийн 20 мянган орчим оюутан нэгдсэн Монголын оюутны эрхийг хамгаалах хөдөлгөөнөөс 11204 оюутнаас цахим хичээлийн чанарын талаар судалгаа авч, түүндээ үндэслэн БШУЯ болон , дээд сургуулиудын захиргаанд шаардлага хүргүүлжээ.

Үүнд:                                                  

1. Цахим болон танхимийн сургалтын зөрүүг гаргах, тус зөрүүг оюутнуудад буцаан олгох, эсвэл 2020-2021 оны хичээлийн жилийн II улирлын төлбөрт шилжүүлэх,
2. Сургалтын төлбөр төлөлтийг уян хатан байдлаар шийдвэрлэх /хоёроос гурав хувааж төлөхөөр зохицуулах/
3.  Цахим хичээлийн чанарыг сайжруулан бэлтгэх,
4. Сургуулийн санхүүгийн дотоод тайланг оюутнуудад ил тод болгож зарцуулалтаа тайлагнах / нэг кредитийн төлбөрийн задаргааг дэлгэрэнгүй гаргаж өгөх/-ийг тус тус хүсч байна” гэв.

Эх  сурвалж:www.polit.mn