2021.01.06

Т.САЙХАН

"Өнгөрсөн 24 цагийн хугацаанд 41 хүнээс коронавирус илэрлээ. Ингэснээр Монгол Улсын хэмжээнд бүртгэгдсэн нийт тохиолдлын тоо 1349 боллоо.  Халдварууд бүгд Улаанбаатарт бүртгэгдсэн бөгөөд  тав нь ХӨСҮТ-ийн эмнэлгийн ажилтан, бусад нь Ачтан эмнэлгийн эмч ажилчид болох есөн хүний хавьтлуудаас 16 тохиолдол бүртгэгдсэн. Бусад тохиолдол нь Тэнүүн-Огоо компанийн таван жолооч, Үндэсний цэцэрлэгт хүрээлэнгээс хоёр хүн, бусад тохиолдлууд нь БЗД-ийн эмнэлгийн гэр бүлийн хавьтлууд зэрэг тусгаарлагдсан хавьтлуудаас илэрчээ. 

Мөн  өнөөдрийн байдлаар 887 хүн эдгэрээд байгаа бол 451 хүн эмнэлэгт хэвтэн эмчлүүлж байна” хэмээн Эрүүл мэндийн яамны Ахлах шинжээч Д.Нарангэрэл мэдээллээ.

Мөн тэрээр “ЗӨСҮТ-ийн Ххариу арга хэмжээний баг өчигдөр 17 обьектын 11681 метр квадрат талбайд голомтын эцсийн халдваргүйтгэл хийлээ. Мөн тус төвийн Авто лаборатори Өмнөговь аймгийн Гашуунсухайт боомтод ажиллаж уртын тээврийн 49 жолоочид шинжилгээ хийхэд коронавирус илрээгүй.

Түүнчлэн НЭМҮТ-өөс коронавируст халдварын идэвхтэй харуулдан тандалт хийж буй. Уг харуулдан тандалтаар эрсдэлт бүлгийн хүн амаас гадна нийтийн тээвэр, такси, банк, худалдааны үйлчилгээний байгууллагын ажилчдыг хамруулж байгаа.

Өнгөрсөн хоёр хоногийн хугацаанд нийтдээ 2,00 гаруй хүнд шинжилгээ хийхэд нэг хүнээс коронавирус илэрсэн байна. Тусгай дугаарын долоон утсанд 24 цагийн хугацаанд 4,662 хүн холбогдож, зөвлөмж зөвлөгөө авчээ” гэсэн юм.

Эх сурвалж:www.polit.mn