Б.ДОЛЖИНЖАВ

ЭМЯ-наас COVID-19  халдварын нөхцөл байдалтай холбоотой ээлжит мэдээллээ 11:00 цагт /2021.01.05/  өглөө. Улсын хэмжээнд даваа гаригт 11581 хүнд шинжилгээ хийхэд 22 хүнээс халдвар илэрч, дотоодын халдвар 817 боллоо.

Энэ талаар ХӨСҮТ-ийн Тандалт судалгааны албаны дарга А.Амбасэлмаа "22 тохиолдол бүгд Улаанбаатар хотод бүртгэгдсэн. 12 нь БЗД-ийн нэгдсэн эмнэлгийн голомтод хамааралтай, бусад голомтуудын ойрын хавьтлаар тусгаарлагдсан хүмүүсийн анхны, хоёр, гурав дахь давтан шинжилгээгээр илэрсэн байна. Мөнххада компанитай холбоотой  тохиолдол 17 болсон. Үүнээс зургаа нь тус компанийн ажилтан бол 11 нь гэр бүлийн хүмүүс нь байна.  ХСҮТ-тэй холбоотой халдварын 16 тохиолдол бүртгэгдээд байна. Улсын хэмжээнд халдварын батлагдсан тохиолдол 1308 болсноос 884 хүн эдгэрсэн. Өчигдөр буюу нэгдүгээр сарын 4-нд зүрхний хэм алдалт, зүрхний архаг дутагдалтай архаг хууч өвчтэй хүн коронавирусын халдварт өртөөд ХӨСҮТ-д эмчлүүлж байгаад нас барлаа. Тухайн өвчтөн 76 настай эрэгтэй хүн байсан" гэлээ.

Дотоодын 817 халдварыг танилцуулбал /2021.01.05/

• Улаанбаатар хотод-491
• Орхонд-25
• Архангайд-3
• Сэлэнгэд-217
• Дархан-Уулд-45
• Говьсүмбэр-4
• Дорноговь-32 тохиолдол тус тус бүртгэгдээд байна.

Эх сурвалж:www.polit.mn