Сэрэмжлүүлэг:Цас орж, цасан шуурга шуурахыг анхааруулж байна

Нүүр

Геополитик

Сэрэмжлүүлэг:Цас орж, цасан шуурга шуурахыг анхааруулж байна

2021-01-02

Нийтэлсэн: Админ

1 мин унших

ХУВААЛЦАХ

ЖИРГЭХ

Б.ОД

Цаг уур орчны шинжилгээний газраас ирэх долоо хоногт ихэнх нутгаар цас орж, цасаар шуурахыг анхаарууллаа.. Тодруулбал, энэ сарын 3-нд баруун аймгуудын нутгийн зарим газраар, 4-нд баруун аймгуудын нутгийн зүүн хойд, төвийн аймгуудын нутгийн хойд хэсгээр ялимгүй цас, 5-нд баруун аймгуудын нутгийн зүүн хойд, төв болон зүүн аймгуудын ихэнх нутгаар, нэгдүгээр сарын 6-нд нутгийн зүүн хэсгээр цас орж, цасан шуурга шуурна.

Салхи нэгдүгээр сарын 5-нд нутгийн зарим газраар, 6-нд нутгийн зүүн хэсгээр секундэд 15-17 метр хүрч ширүүсч, явган шуурга шуурна. Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 41-46 градус, өдөртөө 31-36 градус, Увс нуурын хотгор болон Алтай, Хангай, Хөвсгөл, Хэнтэйн уулархаг нутаг, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн голын хөндийгөөр шөнөдөө 34-39 градус, өдөртөө 24-29 градус, цас багатай, энгэр ээвэр газраар шөнөдөө 19-24 градус, өдөртөө 9-14 градус, бусад нутгаар шөнөдөө 28-33 градус, өдөртөө 19-24 градус хүйтэн байна. Нутгийн хойд хэсгээр энэ сарын 5-нд, 6-нд ихэнх нутгаар хүйтний эрч эрс чангарна.

Эх сурвалж:www.polit.mn