Б.ДОЛЖИНЖАВ
ЭМЯ-наас COVID-19 халдварын нөхцөл байдалтай холбоотой ээлжит мэдээллээ 11:00 цагт /2020.01.02/ өглөө. Улсын хэмжээнд баасан гаригт 11152 хүнд шинжилгээ хийхэд 22 хүнээс халдвар илэрчээ. Үүний долоо нь гадаадаас зөөвөрлөгдөн орж ирсэн, 15 нь дотоодод бүртгэгджээ. Ингэснээр дотоодын халдвар 755, Монгол Улсад батлагдсан тохиолдол 1242 боллоо.
Энэ үеэр өгсөн ХӨСҮТ-ийн Тандалт, судалгааны албаны дарга А.Амбасэлмаагийн мэдээллийг хүргэж байна.
- Франкфурт-Улаанбаатар чиглэлийн нисэх онгоцоор ирсэн долоон хүний гурав дахь удаагийн давтан шинжилгээний хариу эерэг гарсан. Тодруулбал, "Амар" зочид буудалд тусгаарлагдаж байсан тав, "Жаргалант" сувилалд тусгаарлагдсан хоёр хүний гурав дахь удаагийн давтан шинжилгээний хариу эерэг гарсан. Тус зочид буудалд 100 гаруй хүн бий. Нүүлгэн шилжүүлэлт хийж, үйлчилгээний ажилчдыг солих зэрэг арга хэмжээ авлаа. Дотоодод бүртгэгдсэн 15 шинэ тохиолдлын дөрөв нь "Мөнххада" компанид үүссэн голомтод хавьтал болсон хүмүүс. Тус голомтод нийт зургаан хүнээс халдвар илэрлээ. Халдварын эх уурхайг судалж байна. Тус компанийн 32 хүнийг ойрын хавьтал хэмээн тусгаарлаж, 92 хүнийг гэрийн хяналтад авсан. Мөн "Төв шуудан" компанийн гүний гаалийн хоёр ажилтнаас халдвар илэрлээ. Нэг хүнийх нь гэр бүлийн гишүүн халдвар авсан байсан учир эх уурхай тэндээс эхтэй. Иймд тус шуудангийн 70 хүнийг хяналтад авсан. 20 гаруй хүнийг ажиглан тусгаарлах байранд тусгаарласан. Үүний дээр өмнө нь батлагдсан тохиолдлуудын хавьтал болсон, Баянзүрх дүүргийн эмнэлэгээс улбаатай, гэр бүлийн халдвартай холбоотой дөрвөн тохиолдол батлагдсан. Түүнчлэн өргөн хүрээний цэгүүдээр хийж байгаа шинжилгээнээс гэр бүлээрээ халдварт өртсөн 3, 4 тохиолдол батлагдсан. Мөн ХСҮТ-тэй холбоотой голомтоос тохиолдол батлагдсан ” гэж ярилаа.
Эх сурвалж:www.polit.mn