С.САРУУЛ
2020.12.27-ны 11:00 цаг
Сүүлийн 24 цагийн халдварын нөхцөл байдлын талаар Эрүүл мэндийн яамнаас мэдээлэл хийж байна. ХӨСҮТ-ийн Тандалт, судалгааны албаны дарга А.Амбасэлмаагийн танилцуулснаар арванхоёрдугаар сарын 26-нд улсын хэмжээнд 14624 хүнд шинжилгээ хийхэд 39 хүнд коронавирус илэрлээ. Эдгээр 38 хүн нь БЗД-ийн голомтоос бүртгэгдсэн, нэг хүн нь Франкфуртын онгоцоор ирсэн хүний давтан шинжилгээнээс илэрсэн байна. БЗД-ийн тохиолдлууд нь тусгаарлан ажиглах байранд тусгаарлагдсан байсан ба зарим нь гэрт тусгаарлагдсан хүмүүсийн давтан шинжилгээнээс нь илэрсэн. Шинээр нэмэгдсэн 38 тохиолдлын гурав нь эмнэлгийн ажилтан, өвчтөн тав, гэр бүлийн хавьтлын 30 хүн байна. Монгол Улсад бүртгэгдсэн халдварын нийт тохиолдол 1121 боллоо.
Эх сурвалж: www.polit.mn