Б.ДОЛЖИНЖАВ

ЭМЯ-наас COVID-19 халдварын нөхцөл байдалтай холбоотой ээлжит мэдээллээ 11:00 цагт /2020.12.24/ өглөө. Улсын хэмжээнд лхагва гаригт 11800 хүнд шинжилгээ хийхэд зургаан хүнээс халдвар илэрчээ. Үүний тав нь БЗД-ийн эмнэлгийн голомтноос бүртгэгдсэн бол нэг нь Токио-Улаанбаатар чиглэлийн онгоцоор ирсэн иргэн байна.

Энэ талаар ХӨСҮТ-ийн Тандалт, судалгааны албаны дарга А.Амбасэлмаа “БЗД-ийн нэгдсэн эмнэлгийн голомтоос таван хүний давтан шинжилгээнд халдвар илэрлээ. Таван хүний хоёр нь өвтөн, хоёр нь сахиур, нэг нь гэр бүлийн хавьтлын хүн байна. БЗД-ийн эмнэлгээс эхтэй халдвар 136 тохиолдол боллоо. Үүнээс эмнэлэгт хэвтэн эмлүүлж байсан хүн 73, сахиур 23, эмнэлгийн ажилтан 16, гэр бүлийн хавьтал 24, өвчтөнүүдээс есөн хүн эмнэлгээс гараад эргэж ирсэн” гэж ярилаа. Ийн улсын хэмжээнд батлагдсан тохиолдлын тоо 1069 боллоо. Үүнээс 584 нь эдгэрсэн. Сэлэнгэ, Дархан-Уул, Архангай, Говьсүмбэр, Дорноговь, Орхон аймагт өнгөрсөн 24 цагийн хугацаанд коронавируст халдварын тохиолдол шинээр бүртгэгдээгүй.

Дотоодын халдварын тоо 605 /2020.12.24/

• Улаанбаатар хотод- 279
• Орхонд-25
• Архангайд-3
• Сэлэнгэд-217
• Дархан-Уулд-45
• Говьсүмбэр-4
• Дорноговь-32 тохиолдол  бүртгэгдээд байна.

Эх сурвалж:www.polit.mn