С.САРУУЛ

Энэ оны арванхоёрдугаар сарын 04-11-ний өдөр хүртэлх хугацаанд улсын хэмжээнд гарсан зөрчлийн тоон мэдээг өмнөх долоо хоногтой  харьцуулахад 17.1 хувиар өссөн дүнтэй байна. Дээрх хугацаанд бүртгэгдсэн 5074 зөрчлийн хэргийн 47.2 хувь нь нийслэлд, 52.8 хувь нь орон нутагт үйлдэгдсэн байна. Нийслэлд үйлдэгдсэн зөрчлийн хэрэг өмнөх долоо хоногоос 28.8 хувиар, орон нутагт 8.4 хувиар  нэмэгдсэн байна.

Өнгөрсөн долоо хоногт олон нийтийн газарт зүй бусаар биеэ авч явах зөрчил 81.5 хувиар, оршин суугчдын амгалан тайван байдлыг алдагдуулах зөрчил 61.5 хувиар  өссөн нь хамгийн өндөр хувьтай байгаа бол танхайрах зөрчил 45.9 хувиар, төрийн албан тушаалтны шийдвэрийг үл биелүүлэх, үйл ажиллагаанд нь саад учруулах зөрчил 31.8 хувиар  буурсан байна. Архидан согтуурахтай тэмцэх тухай хууль зөрчих зөрчил, тэр дундаа гар дээрээс согтууруулах ундаа худалдсан зөрчил нийслэлд хамгийн их буюу 106 удаа гарсан ба өмнөх өмнө хоногийн адил Баянзүрх, Хан-Уул дүүрэгт  дийлэнх хувь нь бүртгэгдэж, гаралт  нь мөн нэмэгджээ.

Мөн Гамшгаас хамгаалах тухай хууль зөрчих зөрчил нийслэлд 27.8 хувиар нэмэгдэж, орон нутагт 31.6 хувиар буурсан дүнтэй байгаагаас Баянзүрх, Хан-Уул, Баянгол дүүргүүдэд хамгийн их гарсан хэвээр байгаа бол  Сүхбаатар дүүрэгт 1,1 дахин нэмэгдэж 17 удаа үйлдэгдсэн байна.

Эх сурвалж: www.polit.mn