С.САРУУЛ

Нийслэл маргаашнаас /2020.12.23/ эхлэн 14 хоног хатуу хөл хорионд шилжинэ. Ингэснээр чиг үүргийг нь хязгаарлаагүй 15 байгууллагаас бусад нь хөдөлгөөнд оролцохгүй гэсэн үг юм. Тэгвэл маргаашаас эхлэн өмнөх хөл хорионы өдрүүдтэй адил QR зөвшөөрөлтэй автомашин замын хөдөлгөөнд оролцоно. Тодруулбал, өмнө нь олгосон QR кодын загварыг өөрчлөөд маргаашнаас эхлэн дахин хэвлэж авах юм. Нийслэлээс үйл ажиллагааг нь хязгаарлаагүй 13 байгууллагын 22357 автомашинд QR код олгоод байгаа юм. Эдгээр тээврийн хэрэгслүүд зөвшөөрлөө сэргээж хэвлэх боломжтой. Харин 13 байгууллага дээр нэмэгдсэн хоёр салбарт шинээр QR код олгох юм.

Үйл ажиллагааг нь хязгаарлаагүй 15 салбар:

1. Эрчим хүч, дулаан сайжруулсан түлшээр хангах үйл ажиллагаа
2. Хүнсний үйлдвэрлэл, худалдаа, түгээлт, тээвэрлэлтийн үйл ажиллагаа
3. Газрын тосны бүтээгдэхүүн, түлшний хангамж, түгээлт, тээвэрлэлтийн үйл ажиллагаа
4. Малын өвс, тэжээлийн түгээлт, тээвэрлэлтийн үйл ажиллагаа
5. Улсын онц чухал болон стратегийн ач холбогдол бүхий объект, байгууллагын үйл ажиллагаа, тэдгээрийн хүч хэрэгслийн хангамж, тээвэрлэлт
6. Нийтийн тээвэр, зөвшөөрөлтэй такси үйлчилгээ
7. Хот, суурины ус хангах, ариутгах, татуургын ашиглалтын үйл ажиллагаа
8. Эрүүл мэндийн байгууллага, эм, эмнэлгийн хэрэгсэл ханган нийлүүлэх үйл ажиллагаа
9. Банкны үйл ажиллагаа
10. Хэвлэл мэдээлэл, харилцаа холбоо, шуудангийн үйл ажиллагаа
11. Тусгайлсан чиг үүрэг бүхий байгууллагын үйл ажиллагаа
12. Хууль тогтоох байгууллага, шүүх, прокурор, өмгөөлөл, нотариатын үйл ажиллагаа
13. Оршуулгын үйл ажиллагаа
14. Гэр бүлийн хүчирхийлэлтэй тэмцэх, хүүхэд харах төв
15. Төрийн захиргааны зарим байгууллага багтаж байна.

Эх сурвалж: www.polit.mn