С.САРУУЛ
Сүүлийн 24 цагт 8416 хүнд шинжилгээ хийхэд найман хүнд коронавирус илэрч нийт тохиолдол 961 боллоо. Шинээр илэрсэн найман тохиолдлын хоёр нь зөөвөрлөгдсөн тохиолдол бол зургаа нь дотоодын халдвар байна. 961 хүнээс 509 хүн эдгэрээд байгаа бол 443 батлагдсан тохиолдол эмчлэгдэж байгаа юм. ХӨСҮТ-ийн Тандалт, судалгааны албаны дарга А.Амбасэлмаа “Шинээр илэрсэн тохиолдлуудын зургаа нь Баянзүрх дүүргийн нэгдсэн эмнэлгийн голомтод бүртгэгдсэн бол хоёр хүн нь арванхоёрдугаар сарын 19-нд Франкфурт-Улаанбаатар чиглэлийн онгоцоор ирсэн хүмүүс байна. Улаанбаатар хотод өмнө нь бүртгэгдэж байсан кластер голомтот хавьтлуудаас коронавирус илрээгүй. Өнөөдрийн байдлаар улсын хэмжээнд бүртгэгдсэн дотоодын халдварын тоо 500 болсон бол зөөвөрлөгдсөн тохиолдлын тоо 391 боллоо.Гаднаас зөөвөрлөгдсөн хоёр тохиолдол нь Герман болон Унгар улсаас транзит нислэгээр эх орондоо ирсэн” гэв. Харин Сэлэнгэ, Дархан-Уул, Архангай, Говьсүмбэр, Дорноговь, Орхон аймагт коронавируст халдварын тохиолдол шинээр бүртгэгдээгүй.

Улаанбаатар хотод- 175

Орхонд-25

Архангайд-3

Сэлэнгэд-216

Дархан-Уулд-45

Говьсүмбэр-4

Дорноговь-32 тохиолдол тус тус бүртгэгдээд байна.

Эх сурвалж: www.polit.mn