С.САРУУЛ

Дэлхий дахинд тархаад байгаа цар тахалтай холбоотойгоор цар тахлын үеийн стрессийг даван туулах асуудал хүн амд шинэ сорилт, аюул болж буйг Эрүүл мэндийн яамнаас онцоллоо. Дэлхий нийтэд пандемик стресс нийгмийн тулгамдсан асуудал болж стрессээ тайлж чадаагүйгээс сэтгэл гутралд орох, амиа хорлох, цаашлаад гэмт хэрэг үйлдэх шалтгаан болж байгаа аж.

Пандемик стрессээс сэргийлэх, даван туулахын тулд хүрээлэн байгаа орчиндоо дасан зохицох чадвартай байх ёстой. Пандемик стресс сэтгэл хөдлөл, зан үйлийн өөрчлөлт сэтгэл гутрал, нойрны эмгэгээр илэрч байна. Манай улсын сэтгэцийн эрүүл мэндийн төвөөс 4000 хүнийг хамруулсан цахим судалгаагаар сэтгэл түгшил, сэтгэл гутрал, нойргүйдэл их байна. Зарим хүн амиа хорлох талаар бодсон гэж хариулсан. Тиймээс нийтээрээр стресс тайлах энгийн ур чадварт суралцах хэрэгтэй. Үүний тулд хамгийн гол нь нойр хангалттай авах ёстой. Хоногт 7-8 цаг унтах ёстой. Сэтгэл түгшилтийг тайлахын тулд амьсгалын дасгалуудыг хэвшил болгох ёстой. Харин сэтгэл гутралыг тайлахын тулд аливааг эерэгээр харж, хүлээж авах хэрэгтэй. Сэтгэл нь таагүй байгаа хүмүүст хүнлэг, энэрэнгүй хандах мэдлэг мэдээлэлд суралцая гэдгийг эмч мэргэжилтнүүд анхаарууллаа.

Эх сурвалж: www.polit.mn