Б.ДОЛЖИНЖАВ

ЭМЯ-наас COVID-19 халдварын тархалттай холбоотой ээлжит мэдээллээ 11:00 цагт /2020.12.18/ өглөө. Улсын хэмжээнд пүрэв гаригт 9070 хүнд шинжилгээ хийхэд Улаанбаатар хотод 18 хүнээс халдвар илэрчээ. Эдгээр 18 хүн нь бүгд БЗД-ийн нэгдсэн эмнэлэгт үүссэн шинэ голомтноос халдвар авсан байна.

Энэ талаар ХӨСҮТ-ийн Тандалт, судалгааны албаны дарга А.Амбасэлмаа   “БЗД-ийн нэгдсэн эмнэлэгт үүссэн халдварын голомтод 18 тохиолдол бүртгэгдэж, тус голомтын халдвар 20 боллоо. Эхний батлагдсан тохиолдлууд халдвар гарч байсан голомт бүхий газарт амьдардаг. Тухайн бүс нутгаас эхтэй халдварын голомт үүссэн байх магадлал өндөр байгаа. Батлагдсан тохиолдлуудын хавьтал 645 хүнийг олж тогтоосон. 266 хүнийг тусгаарлан ажиглах байранд тусгаарласан. Эхний 469 хүнд хийсэн хавьтлын шинжилгээгээр халдвар илрээгүй байна.  БЗД-ийн нэгдсэн эмнэлэгт эмч, ажилчид, өвчтөнүүд гээд 379 хүний тусгаарласан” гэж ярилаа.

Харин бусад аймгуудад халдвар нэмэгдээгүй. Өнөөдрийн байдлаар дотоодын халдвар 488, Монгол Улсад бүртгэгдсэн тохиолдол 941 боллоо.

Дотоодод халдварын тоо 488 /2020.12.18-ны байдлаар/

• Сэлэнгэд - 216
• Улаанбаатарт - 163
• Дархан-Уулд - 45
• Орхонд - 25
• Дорноговьд - 32
• Говьсүмбэрт - 4
• Архангайд - 3 батлагдсан тохиолдол байна.

Эх сурвалж:www.polit.mn