Б.ДОЛЖИНЖАВ

ЭМЯ-наас COVID-19 халдварын тархалттай холбоотой ээлжит мэдээллээ 11:00 цагт /2020.12.15/ өглөө. Улсын хэмжээнд даваа гаригт 10979 хүнд шинжилгээ хийхэд таван хүнээс халдвар илэрчээ. Үүний хоёр нь Улаанбаатарт бүртгэгдсэн байна. Энэ талаар ХӨСҮТ-ийн Тандалт, судалгааны албаны дарга А.Амбасэлмаа  "Арванхоёрдугаар сарын 14-нд таван хүний сорьцод халдвар илэрлээ. Тодруулбал, Сэлэнгэд хоёр, Улаанбаатарт хоёр, Дорноговь аймгийн Замын-Үүд суманд нэг халдварын тохиолдол батлагдлаа. Эдгээр таван тохиолдол нь өмнөх батлагдсан тохиолдлуудын ойрын хавьтал бөгөөд 2, 3 дахь давтан шинжилгээгээр халдвар илэрсэн.Дархан-Уул, Орхон, Говьсүмбэр, Архангай аймагт сүүлийн 24 цагт халдвар нэмж бүртгэгдээгүй. Дотоодын халдварын нийт тоо 464 боллоо” гэсэн юм.

Ийн Монгол Улсад бүртгэгдсэн нийт халдварын тоо 917 болов. Үүнээс 384 нь эдгэрсэн. Өнөөдрийн байдлаар 524 эмчлүүлж байгаагаас маш хүнд нэг, хүнд тав, хүндэвтэр 68, хөнгөн 450 хүн байна.

Дотоодод голомтлон гарсан халдварын тоо  2020.12.15-ны байдлаар

Сэлэнгэд - 215

 Улаанбаатарт - 140

 Дархан-Уулд - 45

Орхонд - 25

 Дорноговьд - 32

  Говьсүмбэрт - 4

 Архангайд - 3 батлагдсан тохиолдол байна.

Эх сурвалж:www.polit.mn