С.САРУУЛ

2020 оны 12 сарын 14-ны 11:00 цаг

Коронавирусын нөхцөл байдлын талаар Эрүүл мэндийн яамнаас ээлжит мэдээллээ өглөө. Өчигдөр улсын хэмжжэнд 8,574 хүнд шинжилгээ хийхэд таван хүний шинжлигээнд коронавирус илэрлээ. Таван тохиолдол бүгдээрээ Сэлэнгэ аймагт тусгаарлагдаж байсан хүмүүс бөгөөд 2, 3 дахь давтан шинжилгээгээр илэрсэн байна. Ингээд Монгол Улсад бүртгэгдсэн коронавирусийн халдварын тохиолдол 912 боллоо. Үүнээс 384 хүн эдгэрээд байгаа бол өнөөдрийн байдлаар 519 батлагдсан тохиолдол эмчлэгдэж байна.

Эмчилгээнд байгаа иргэдийн биеийн байдал:

Хөнгөн-438

Хүндэвтэр-75

Хүнд-5

Маш хүнд-1 хүн байгааг ХӨСҮТ-өөс мэдээлэв.

Эрүүл мэндийн яамны хэлтсийн дарга Д.Нарангэрэл “Улсын хэмжээнд оношилгооны цэгүүдэд 387,697 хүн очиж, коронавирус илрүүлэх үзлэг, шинжилгээнд хамрагджээ. Өнгөрсөн 24 цагийн цагийн хугацаанд тусгай дугаарын долоон утсанд 8,208 хүн хандаж зөвлөмж зөвлөгөө авсан бол ЭМЯ-ны 32-30-02 дугаарын утсанд 152 хүн холбогдож, зөвлөгөө авсан" гэсэн мэдээлэл өглөө.

 Улаанбаатар хот болон Дархан-Уул, Орхон, Дорноговь, Говьсүмбэр, Архангай аймагт сүүлийн 24 цагт халдвар нэмж бүртгэгдээгүй. Дотоодын халдварын нийт тоо 459 боллоо.

Эх сурвалж: www.polit.mn